Ғолибони озмуни ҷумҳуриявии драмнависон қадрдонӣ гардиданд
ДУШАНБЕ, 2.10.2017. /АМИТ «Ховар»/. Дар Вазорати фарҳанги Ҷумҳурии Тоҷикистон ғолибони Озмуни ҷумҳуриявии драмнависон бахшида ба 20-солагии Ваҳдати миллӣ ва 26-умин солгарди Истиқлолияти давлатӣ қадрдонӣ карда шуданд.
Бино ба иттилои Маркази матбуоти Вазорати фарҳанг, иштирокчиён ва ғолибони озмунро муовини якуми Вазири фарҳанги Ҷумҳурии Тоҷикистон Ибодулло Машраб табрик гуфта, ба фаъолияти ояндаи драматургияи тоҷик муваффақият таманно намуд.
«Драматургияи тоҷик бояд хислати тоҷикона дошта бошад, мисли назму насри тоҷик. Саҳнаҳои тезу тунд на он қадар хоси драматургияи моянд. Театри тоҷик бояд зебо, шоирона ва нозук бошад», — зикр намуд Ибодулло Машраб.
Ҳайати доварони озмун ҷои дуюмро ба асари «Баҳори Фаронса»-и Тоҳири Маҳмадризо ва «Навҳаи камондор»-и Ҷумъа Қуддус лоиқ донистанд. Ҷои сеюми озмун насиби Ато Ҳамдам бо асари «Дар кӯчаҳои қисмат» ва асари «Ишқи интернетӣ»-и ҳаммуаллифон Н. Шарипов ва А. Икромов гардид.
Бояд гуфт, ки ғолибони озмун бо диплом ва туҳфаҳо мукофотонида шуданд. Инчунин асари се драмнавис: «Шикор»-и Маҷид Салим, «Худоназаркарда»-и Абдуғаффор Абдуҷабборов ва «Маро маломат накунед»-и Абдувадуд Файзиев диққати доварони озмунро ба худ ҷалб намуда, сазовори туҳфаҳои ҳавасмандгардонӣ шуданд.
Боиси зикр аст, ки асарҳои ғолибони озмун дар шакли маҷмӯа бо номи «Дар кӯчаҳои қисмат» дарҷ гардида, дастраси мухлисони театр ва ҳунарпешаҳо гардидаанд.
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
