Раиси Суди Олии Тоҷикистон бо Прокурори генералии Шоҳигарии Арабистони Саудӣ дурнамои муносибатҳои байнидавлатиро баррасӣ карданд
ДУШАНБЕ, 17.10.2017 /АМИТ «Ховар»/. Нимаи аввали имрӯз дар бинои Китобхонаи миллии Тоҷикистон мулоқоти Раиси Суди Олии Тоҷикистон Шермуҳаммад Шоҳиён бо Прокурори генералии Шоҳигарии Арабистони Саудӣ Шайх Сауд Ибн Абдуллоҳ Алмуаҷиб баргузор гардид.
Тавре аз шуъбаи иттилоотии Суди Олии мамлакат ба АМИТ «Ховар» хабар доданд, ҷонибҳо доир ба вазъи кунунӣ ва дурнамои муносибатҳои байнидавлатии Тоҷикистону Шоҳигарии Арабистони Саудӣ табодули афкор намуданд.
Раиси Суди Олӣ Ш. Шоҳиён аз нахустин мулоқоти расмӣ бо Прокурори генералии Шоҳигарии Арабистони Саудӣ Шайх Сауд ибн Абдулоҳ ал Муаҷиб ва ҳамроҳони ӯ истиқбол намуда, зикр кард, ки Тоҷикистону Арабистони Саудӣ имкониятҳои зиёди ҳамкорӣ дар соҳаи ҳифзи ҳуқуқ ва риояи қонунгузорӣ доранд ва метавонанд барои мусоидат дар таъмини суботу осоиштагӣ, мубориза бар зидди ҷинояткории муташаккили фаромиллӣ, терроризму экстремизми байналмилалӣ ҳамкории судманди дуҷониба ҷорӣ кунанд.
Ҷонибҳо аз равобити дӯстона ва ҳамкории гуногунҷанбаи ду кишвар изҳори қаноатмандӣ намуда, вобаста ба пойдории волоияти қонун, тартиботи ҳуқуқӣ, иҷрои барномаҳои ислоҳоти судӣ-ҳуқуқӣ дар Ҷумҳурии Тоҷикистон, раванди дуҷонибаи ҳамкории мутақобилаи судҳо ва дигар мақомоти ҳифзи ҳуқуқ ҷиҳати расонидани кумаки ҳуқуқӣ оид ба парвандаҳои ҷиноятӣ ва гражданӣ, супоридани шахсон барои ба ҷавобгарии ҷиноятӣ кашидан ва иҷрои ҳукмҳо табодули афкор намуданд.
Зимни мулоқот ҳарду ҷониб ҳавасмандии худро ҷиҳати тавсеаи бештари ҳамкорӣ дар миёни сохторҳои ҳифзи ҳуқуқ, мубодилаи амалияи судӣ ва расонидани ёрии ҳуқуқӣ изҳор намуданд. Зикр карда шуд, ки якдигарфаҳмӣ миёни ҳокимияти судӣ ва дигар мақомоти ҳифзи ҳуқуқи ду давлат ба ташаккули дурнамои муносибатҳои дӯстонаи манфиатбахш мусоидат хоҳад кард.
Прокурори генералии Шоҳигарии Арабистони Саудӣ Шайх Сауд ибн Абдулоҳ ал Муаҷиб ба раиси Суди Олии Тоҷикистон барои қабул ва суҳбати самимӣ миннатдории хешро баён намуда, ҳарду ҷониб ба ҳамдигар дар фаъолияти минбаъда натиҷаҳои хуби корӣ орзу намуданд.
Хотиррасон мешавем, ки дирӯз дар Душанбе ҳамчунин мулоқоти Прокурори генералии Ҷумҳурии Тоҷикистон Раҳмон Юсуф бо Прокурори генералии Шоҳигарии Арабистони Саудӣ Шайх Сауд Ибн Абдуллоҳ Алмуаҷиб баргузор гардида буд.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
