Тарроҳи машҳури Япония ба Тоҷикистон меояд
ДУШАНБЕ, 27.10.2017 /АМИТ «Ховар»/. Аз 1 то 3 ноябри соли равон сафари эҷодии ҳайати намояндагии фарҳангии кишвари Япония дар Тоҷикистон баргузор мегардад. Зимни ин сафар тарроҳи машҳури сатҳи ҷаҳонӣ Ҷунко Кошино намоиши мӯд барпо мекунад. Дар ин бора ба АМИТ «Ховар» аз Сафорати Япония дар Ҷумҳурии Тоҷикистон хабар доданд.
Ҷунко Кошино дар шаҳру кишварҳои гуногуни олам, аз ҷумла, дар Пекин, Ню-Йорк, Ветнам, Куба, Полша, Мянма намоиши мӯд доир кардааст. Соли 2006 ӯ ба гирифтани нишони Cavaliere dell ‘Ordine della Stella della Solidarieta Italiana (Ордени Италия) мушарраф гардидааст. Ҷунко Кошино узви кумитаи тадорукоти Бозиҳои олимпӣ ва параолимпии Токио — 2020 ва Намояндаи махсуси Экспо-2025 дар шаҳри Осака мебошад.
Намоиши мӯд 2 ноябри соли 2017, соати 16:00 дар толори калони Донишгоҳи (славянии) Россияву Тоҷикистон баргузор мегардад. Дар ҷараёни намоиш маҷмӯи либосҳои омода кардаи тарроҳи Япония Ҷунко Кошино ва тарроҳи тоҷик Нафиса Имронова ба маърази тамошо гузошта мешаванд.
Пас аз намоиши мӯд филми ҳунарии японии «Ҳамеша: ғуруб дар хиёбони 3» намоиш дода мешавад. Филми макур дар бораи Бозиҳои олимпии Токио дар соли 1964 нақл мекунад.
Сафари эҷодии ҳайати намояндагии фарҳанги Япония бо ташаббуси Бунёди Япония, Сафорати Япония дар Ҷумҳурии Тоҷикистон ва дастгирии Вазорати корҳои хориҷии Ҷумҳурии Тоҷикистон, Вазорати фарҳанги Ҷумҳурии Тоҷикистон ва Донишгоҳи (славянии) Россияву Тоҷикистон гузаронида мешавад.
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
