Таъмини волоияти қонун ва таҳкими тартиботи ҳуқуқӣ аз маърифати ҳуқуқии ҷавонон вобаста мебошад
ДУШАНБЕ, 03.11.2017 /АМИТ «Ховар»/. Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати адлияи Ҷумҳурии Тоҷикистон дар ҳамбастагӣ бо Донишгоҳи славянии Россия ва Тоҷикистон ва Донишгоҳи миллии Тоҷикистон аввалин Форуми ҳуқуқшиносони ҷавон бахшида ба Соли ҷавонон дар доираи Форуми миллӣ оид ба волоияти қонун дар Ҷумҳурии Тоҷикистон баргузор гардид.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки баргузории нахустин Форуми ҳуқуқшиносони ҷавон бори дигар собит месозад, ки дар Ҷумҳурии Тоҷикистон сулҳу субот пойдор буда, Ҳукумати Тоҷикистон тамоми шароитро ҷиҳати илмомӯзиву сайқал додани дониш барои ҷавонон фароҳам овардааст. Дар партави сиёсати Пешвои миллат муҳтарам Эмомалӣ Раҳмон раванди инкишофи ҷаҳонбинӣ ва ҳидоят намудани ҷавонон ба худшиносиву худогоҳӣ ба роҳ монда шудааст. Имрӯзҳо ба масъалаи баланд бардоштани маърифати сиёсати ҳуқуқӣ ва иттилоотии ҷавонон чун яке аз самтҳои рушди давлатдории миллӣ таваҷҷуҳи махсус зоҳир карда мешавад.
Пас аз ба даст овардани истиқлолияти кишвар Ҳукумати Ҷумҳурии Тоҷикистон ба татбиқи сиёсати давлатии ҷавонон аҳамияти хосса зоҳир менамояд. Санадҳои меъёриву ҳуқуқӣ, аз ҷумла, Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон», Стратегияи сиёсати давлати ҷавонон то соли 2020 ва Консепсияи миллии сиёсати ҷавонон дар Ҷумҳурии Тоҷикистон заминаҳои татбиқи амалии сиёсати давлатии ҷавононро фароҳам оварданд. Мақсади асосии татбиқи ин сиёсат низ таъмини шароити ҳуқуқӣ ва иқтисодиву иҷтимоӣ барои ҷавонон мебошад.
Ҳамчунин декани факултети ҳуқуқшиносии Донишгоҳи миллии Тоҷикистон, номзади илмҳои ҳуқуқ, дотсент Дилшод Сафарбек зикр намуд, ки бештари аҳолии Тоҷикистонро ҷавонон ташкил медиҳанд. Аз ин рӯ таъмини волоияти қонун ва таҳкими тартиботи ҳуқуқӣ аз маърифати ҳуқуқӣ ва сатҳи фарҳанги ҳуқуқии ин қишри ҷомеа вобаста мебошад. Дар ин самт аз ҷониби Ҳукумати Ҷумҳурии Тоҷикистон тадбирҳои зиёде роҳандозӣ карда шудаанд.
Намояндаи Тоҷикистон дар конференсияи байналмилалии «Ҳифзи мерос барои субот» иштирок намуд
Дар шаҳри Истаравшан Рӯзи омӯзгорон таҷлил гардид
Ҳайати ҷавонони Тоҷикистон дар ҳамоиши байналмилалии ҷавонон дар Қазокистон иштирок намуд
ОМӮЗГОРОН-ПОСДОРОНИ ЗАБОНИ МИЛЛАТ. Дар Донишкадаи давлатии санъати тасвирӣ ва дизайни Тоҷикистон ҳамоиши тантнавӣ доир шуд
Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
Дар Донишгоҳи давлатии Кӯлоб Рӯзи забони давлатӣ ва Рӯзи омӯзгорон таҷлил гардид
6 ОКТЯБР-РӮЗИ ҶАҲОНИИ ҲИФЗИ МАКОНИ ЗИСТ. Ҷомеаи ҷаҳонӣ бояд таъсири харобиовари омили антропогенӣ ба табиатро ҷилавгирӣ намояд
МУЛОҚОТИ СУДМАНД ВА ТАҲКИМБАХШ. Дар ҳошияи сафари Президенти Тоҷикистон ба Давлати Қатар
Имрӯз дар баъзе ноҳияҳои Тоҷикистон борони кӯтоҳмуддат меборад
Дар Душанбе Форуми даҳуми миллӣ оид ба волоияти қонун баргузор мегардад
Забони тоҷикӣ давоми бештар аз сӣ соли Истиқлолияти давлатӣ муҳимтарин омили ваҳдат ва сарҷамъии миллат гардид
Дар шаҳри Гулистон ба гиромидошти Рӯзи забони давлатӣ конференсия баргузор шуд
