Азим Иброҳим: «Барномаҳои тандурустӣ бояд ба рушди хизматрасониҳои иҷтимоӣ мусоидат намоянд»
ДУШАНБЕ, 7.12.2017 /АМИТ «Ховар»/. Дар ҳузури муовини Сарвазири Ҷумҳурии Тоҷикистон Азим Иброҳим чанд рӯз пеш ҷаласаи навбатии Шўрои миллии ҳамоҳангсозӣ оид ба масъалаҳои тандурустӣ ва ҳифзи иҷтимоии аҳолӣ баргузор гардид.
Дар ҷаласа ҷараёни иҷрои «Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавӣ ва раванди татбиқи «Барномаи давлатии тавонбахшии маъюбон барои солҳои 2017-2020» мавриди баррасӣ қарор дода шуд.
Муовини Сарвазири мамлакат таъкид намуд, ки масъалаҳои нигоҳдории тандурустӣ ва ҳифзи иҷтимоии аҳолӣ аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон ба шумор мераванд ва амалишавии ин барномаҳо дар беҳтар гардидани дастрасии табақаҳои осебпазири аҳолӣ ба хизматрасониҳои тиббӣ ва ҳифзи иҷтимоии аҳолӣ мусоидат хоҳанд намуд.
Зимни муҳокимарониҳо махсус зикр гардид, ки ба муҳити оилавӣ баргардонидани кўдакони имконияташон маҳдуд, ки дар муассисаҳои будубоши доимӣ ба хизматрасонии иҷтимоӣ фаро гирифта шудаанд, падидаи хуб аст ва ба он бояд идома дод.
Ҳамзамон масъалаҳои муоширату муносибати кормандони иҷтимоии шуъбаҳои хизматрасонии иҷтимоӣ дар шаҳру ноҳияҳо беҳбудиро тақозо дорад, зеро пиронсолону маъюбон ва дигар шахсони дар ҳолати душвори зиндагӣ қарордошта ҳамеша ба муносибати некбинона ва ҳайрхоҳона, ки асоси хизматрасонии иҷтимоӣ маҳсуб меёбанд, ниёз доранд. Ҳангоми баҳодиҳӣ ба фаъолияти ин муассисаҳо муоширату муносибат бояд ҳамчун меъёр ба инобат гирифта шаванд.
Муовини Сарвазир ба Вазорати саноат ва технологияҳои нав ва Муассисаи давлатии «Заводи протезию ортопедии шаҳри Душанбе» супориш дод, ки бо насби дастгоҳҳои муосир истеҳсоли сифатноки маҳсулотро барои таъмини талаботи маъюбон бо воситаҳои техникии тавонбахшӣ, махсусан, пойафзоли протезӣ мутобиқи андозаи зарурӣ ба роҳ монанд.
Ба Вазири тандурустӣ ва ҳифзи иҷтимоии аҳолӣ супориш дода шуд, ки ба амалишавии сифатноки барномаҳои мазкур, ки ба беҳтар гардидани хизматрасониҳои иҷтимоӣ мусоидат менамоянд, таваҷҷуҳи хосса зоҳир намояд.
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
