Дар Душанбе ҷаласаи навбатии Шӯрои ҷамъиятии Тоҷикистон доир гардид
ДУШАНБЕ, 27.12.2017. /АМИТ «Ховар»/. Имрӯз дар Маркази тадқиқоти стратегии назди Президенти Ҷумҳурии Точикистон ҷаласаи навбатии Шӯрои ҷамъиятии Ҷумҳурии Тоҷикистон доир гардид.
Тавре хабарнигори АМИТ «Ховар» иттилоъ медиҳад, дар ҳамоиш аъзои Шӯро — роҳбарони ҳизбҳои сиёсӣ, созмонҳои ҷамъиятӣ ва муассисаҳои ғайридавлатӣ ширкат намуда, доир ба натиҷаҳои фаъолияти худ ҳисобот пешниҳод намуданд.
Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода кори ҷомеаи шаҳрвандиро хуб арзёбӣ карда, изҳор намуд, ки соли оянда низ баҳри беҳтар гардидани фаъолият дар самтҳои гуногун аз ҷониби сохторҳои дахлдор бояд камари ҳиммат баста шавад. Абдуҷаббор Раҳмонзода дар идомаи суҳбаташ чунин баён намуд: «Паёми имсолаи Пешвои миллат аз паёмҳои қаблӣ нисбатан фарқ дошт, зеро дар он умдатарин масъалаҳо барои ояндаи Тоҷикистон, ки ба марҳилаи сифатан нави рушд ворид мегардад, пешниҳод шудаанд».
Бино ба гуфтаи мавсуф, имрӯз авзои ҷомеаи ҷаҳонӣ торафт муташанниҷ мегардад ва дар Паём низ ба ин масъала диққати махсус зоҳир гардид.
Зимни баргузории ҷаласа ҳамчунин Ваколатдор оид ба ҳуқуқи инсон Зариф Ализода зикр намуд, ки яке аз масъалаҳои муҳим барои фаъолияти минбаъдаи Шӯро — ин низомномаи Шӯрои ҷамъиятӣ ва мукаммал гардонидани он мебошад.
Хотиррасон менамоем, ки Шӯрои ҷамъиятии Тоҷикистон моҳи апрели соли 1996 дар асоси Аҳдномаи ризоияти ҷамъиятӣ (9 марти соли 1996 ба тасвиб расидааст) созмон ёфта буд, ки ба он ҳизбҳои сиёсӣ, созмонҳои ҷамъиятӣ, иттиҳодияҳои эҷодӣ ва ташкилотҳои ғайридавлатӣ шомил мебошанд. Ба Шӯро бевосита Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарӣ мекунанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
