Дар Хатлон Форуми дуюми занони мақомоти ҳифзи ҳуқуқ ва сохторҳои низомии вилоят доир гардид
ДУШАНБЕ, 20.12.2017. /АМИТ «Ховар»/. Дирӯз, 19 декабри соли равон дар кохи «Ватан»-и шаҳри Қӯрғонтеппа бо ташаббуси мақомоти иҷроияи ҳокимияти давлатии вилояти Хатлон форуми дуюми занони мақомоти ҳифзи ҳуқуқ ва сохторҳои низомии вилояти Хатлон доир гардид. Дар кори форум раиси вилоят Давлатшоҳ Гулмаҳмадзода иштирок намуда, сухан гуфт.
«Дар шароити имрӯзаи ҷаҳонишавӣ мубориза бо ҷинояткории муташаккилона, аз ҷумла, терроризм ва экстремизм барои ҳар як кишвари соҳибистиқлол вазифаи муҳим мебошад. Имрӯзҳо дар мақомоти ҳифзи ҳуқуқ ва сохторҳои низомии вилоят зиёда аз 350 нафар занон фаъолият менамоянд, ки теъдодашон сол ба сол зиёд гашта, дастовардҳои хизматиашон ҳам назаррас мегардад»,-иброз дошт раиси вилоят.
Ба иттилои Мақомоти ичроияи ҳокимияти давлатии вилояти Хатлон, аз ҷониби раиси вилоят ба фаъолонзанон сипосномаҳо супорида шуданд.
Дар қисмати дуюми форуми мазкур, ки таҳти роҳбарии муовини раиси вилоят Махфират Хидирзода ҷараён гирифт, подполковники милитсия, нозири калони шуъбаи ташкилии нозироти Раёсати Вазорати корҳои дохилии Ҷумҳурии Тоҷикистон дар вилоят Офоқ Қодириён дар мавзӯи «Нақши занони милитсия дар ҷомеа», коргузори Прокуратураи ноҳияи Дӯстӣ Низора Назарова дар мавзӯи «Ҷавонон-ояндаи миллат» ва нотариуси давлатии Идораи нотариалии давлатии вилоят Зулайхо Исломова дар мавзӯи «Рушди соҳаи адлия ва саҳми занон дар он» маърӯза карданд.
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
