Дар шаҳри Қӯрғонтеппа намоиши аксҳои Шуҳрат Ёров доир гардид
ҚӮРҒОНТЕППА, 21.12.2017 /АМИТ «Ховар» /. Дирӯз дар шаҳри Қӯрғонтеппаи вилояти Хатлон намоиши аксҳои рассоми бомаҳорати тоҷик Шуҳрат Ёров таҳти унвони «Тоҷикистон-диёри азизи мо» баргузор гардид.
Дар намоиш зиёда аз 100 адад аксҳо дар мавзӯъҳои гуногун, аз ҷумла тасвири гӯшаҳои зебои диёр, рӯзгори занон, мавзеъҳои дилрабои Тоҷикистон ва ғайра пешниҳоди бинандагон гардиданд. Намоиши мазкур бо ташаббуси мақомоти иҷроияи ҳокимияти давлатии вилояти Хатлон дар ҳамкорӣ бо Ҷамъияти дӯстӣ ва алоқаҳои фарҳангии Тоҷикистон ва Осорхонаи таъриху кишваршиносии вилояти Хатлон ба номи «Авасто» баргузор гардид.
Тавре намояндаи Ҷамъияти дӯстӣ ва алоқаҳои фарҳангии Тоҷикистон Латофат Шарипова итттилоъ дод, «намоиши мазкур ба рушди санъати аксбардорӣ ва тарбияи эстетикии ҷавонон мусоидат мекунад. Аз ин пеш чунин намоиши аксҳои Шуҳрат Ёров дар дигар шаҳру навоҳии Тоҷикистон, ҳамзамон Россия, Беларус, Германия ва дигар давлатҳо низ баргузор гардида буданд».
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
