Дар Суғд барои воридоти маводи тарфгарӣ парвандаи ҷиноятӣ оғоз гардид

Декабрь 13, 2017 12:06

ДУШАНБЕ, 13.12.2017 /АМИТ «Ховар»/. 8  декабр дар минтақаи наздисарҳадии Тоҷикистон-Қирғизистон, дар роҳи мошингарди самти «Конибодом-Хуҷанд», дар дидбонгоҳи БДА-и ҳудуди Ҷамоати деҳоти Хистеварзи ноҳияи Бобоҷон Ғафуров, воситаи нақлиётии тамғаи «БМВ-520» таҳти идораи шаҳрванди Ҷумҳурии Тоҷикистон  Ю.Н., соли таваллудаш 1984, барои гузаронидани муоинаи гумрукӣ боздошт карда шуд.

Тавре аз Хадамоти гумруки назди Ҳукумати Ҷумҳурии Тоҷикистон хабар доданд, ҳангоми муоинаи гумрукӣ дар дохили бордони нақлиёти мазкур 7 қуттича (блок), ки дар дохилашон 10 адад қуттичаҳои майдаи маводи тарфгарии намуди «Трения», як қуттича дорои 12 дона маводи тарфгарии намуди «Красная нечист»,  8 қуттичаи дорои  10 дона, ҷамъ 80 дона маводи тарфгарии  намуди «Чёрная смерт»,  2  қуттича (блок), ки дар дохилашон 20 донагӣ, ҷамъ 40 дона  маводи тарфгарии намуди «Сай Ван Лэй»,   10 қуттичаи дорои 12 донагӣ, ҷамъ 120 дона  маводи тарфгарии намуди «Маленкая пчёлка»,  1 қуттичаи дорои 72 донагӣ,   намуди фейерверк  «Соловей разбойник», 2 бастаи селофании дорои 4 донагӣ, ҷамъ 8 дона оташфаввораи «Золотой песок» ва  4 адад оташфаввораи намуди «Двоедрагуна»-и маводи тарфгарии истеҳсоли Ҷумҳурии Қирғизистон дарёфт карда шуд, ки ба шаҳрванд Ю.Н.,  тааллуқ доштаанд. Номбурда ин миқдор маводи тарфгариро аз деҳаи Арқаи Ҷумҳурии Қирғизистон ба қаламрави Ҷумҳурии Тоҷикистон бо роҳи ғайрирасмӣ бидуни назорати гумрукӣ ворид намудааст.

Тибқи хулосаи коршиноси ташхиси судӣ- баллистикӣ ва тиру гилзадони  ШТК РВКД ҶТ дар вилояти Суғд  аз 8 декабри соли 2017, маводи аз шаҳрванд Ю.Н. гирифташуда, маводи силиндршакл буда, миқдори умумии маводи мазкур 3578 ададро ташкил дода, ба гурӯҳи маводи тарфгарӣ, яъне пиротехникӣ (хлопушка) дохиланд.

Аз рӯи ҳолати мазкур нисбат ба шаҳрванд  Ю.Н. бо моддаи 199, эзоҳи 1, қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, аз рӯи тобеияти тафтишотӣ ба прокуратураи вилояти Суғд фиристонида шуд.

Декабрь 13, 2017 12:06

Хабарҳои дигари ин бахш

«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад