Иқдоми тозаи Иттифоқи нависандагони Тоҷикистон бахшида ба Соли ҷавонон
ДУШАНБЕ, 12.12.2017 /АМИТ «Ховар»/. Ба шарафи Соли ҷавонон аз ҷониби Маркази тарҷумаи Иттифоқи нависандагони Тоҷикистон (ИНТ) шеърҳои ҷавонтарин шоирони Тоҷикистон бо пешгуфтори раиси ИНТ Низом Қосим ба забони ӯзбекӣ тарҷума шуд ва бо унвони «Тенгдошлар» («Ҳамсолон») дар маҷмӯаи дастаҷамъӣ дастраси шаҳрвандони Ӯзбекистон гардид.
Тавре тарҷумон, сардори Маркази тарҷумаи ИНТ Сайфулло Қуллаев ба хабарнигори АМИТ «Ховар» хабар дод, ин иқдоми тоза воқеан метавонад, ки адабиёти навини моро ба кишвари ба мо дӯсту ҳамсоя муаррифӣ кунад. Зеро ҷавононе, ки шеърҳояшон мавриди тарҷума қарор гирифтаанд, иштирокчиёни фаъоли Машварати омӯзишии адибони ҷавони ҷумҳурӣ буда, ҷустуҷӯ ва бозёфтҳои тозаи шоиронаи зиёд доранд, ҳамеша бо ИНТ ҳамкорӣ мекунанд ва аз устодони бузурги ин даргоҳ дарси суханофарӣ меомӯзанд.
Бояд ёдовар шуд, ки Машварати омӯзишии адибони ҷавони ҷумҳурӣ дар чор сол як маротиба аз тарафи ИНТ баргузор мешавад. Бори охир соли 2016-ум дар шаҳри Хуҷанд баргузор шуда буд ва дар он аз тамоми гӯшаю канори кишвар навқаламон иштирок доштанд. Аз байни онҳо пас аз омӯзишу машварати устодон чанде дар бахшҳои назму наср ба узвияти ИНТ пешниҳод гардида, пазируфта шуданд.
Хонандагони ӯзбекзабон тавассути ин китоб бо намунаҳои шеърҳои шоирони ҷавон Муҳриддин Сабурӣ, Баҳроми Раҳматзод, Рустами Аҷамӣ, Бузургмеҳри Баҳодур, Бузургмеҳри Ҳаким, Шоҳбегим, Мирзо Наврӯз, Мафтуна ва Толиби Луқмон шинос мешаванд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
