ОБ ЗАХИРА КУНЕД! Дар маҳаллаҳои 92, 82, 101, 102, 112, Испечак-1,2, Қазоқон-1,2, Ободкорон, Бунёдкорон ва кӯчаи Н.Махсуми шаҳри Душанбе интиқоли оби нӯшокӣ як шабонарӯз қатъ мегардад

ДУШАНБЕ, 20.12.2017 /АМИТ «Ховар»/. Бо мақсади пайваст намудани қубурҳои хобонидашудаи қутрашон 600 мм ба қубурҳои амалкунанда дар иншооти «Таҷдиди роҳи автомобилгарди Душанбе – Турсунзода – сарҳади Ӯзбекистон (аз пайкараи А.Сино то дарвозаи ғарбии шаҳри Душанбе), мавқеи километрҳои аз 1,2 то 1,9 хиёбони Н. Махсум»  интиқоли оби нӯшокӣ дар ҳудуди ноҳияи Сино- дар  маҳаллаҳои 92, 82, 101, 102, 112, Испечак-1,2, Қазоқон-1,2,  Ободкорон, Бунёдкорон ва кӯчаи Н.Махсум аз соати 22:00 рӯзи 20 декабр  то соати 24:00 рӯзи 21 декабри соли 2017 қатъ мегардад.

Дар ин бора аз  Мақомоти иҷроияи ҳокимияти давлатии шаҳри Душанбе хабар дода, аз сокинони маҳаллаҳои мазкур хоҳиш карданд, ки миқдори зарурии  оби нӯшокиро барои як шабонарӯз захира намоянд.