Палатаи савдои шаҳри Абу Забӣ барои рушди соҳаи сайёҳии Тоҷикистон сармоягузории дарозмуддат ба роҳ мемонад
АБУ ЗАБӢ, 14.12.2017 /АМИТ «Ховар»/. Дар доираи ҷаласаи сеюми Комиссияи байниҳукуматии Ҷумҳурии Тоҷикистон ва Амороти Муттаҳидаи Араб оид ба ҳамкории иқтисодӣ, тиҷоратӣ ва техникӣ дирӯз дар шаҳри Абу Забӣ ҳамоиши соҳибкорони ду давлат баргузор гардид.
Зимни ҳамоиш муаррифии Ҷумҳурии Тоҷикистон ва имкониятҳои сайёҳиву сармоягузории он баррасӣ гардида, гузоришҳои кӯтоҳи телевизионӣ бо забонҳои арабиву англисӣ манзури намояндагони ҳарду кишвари дӯсту бародар гашт. Ҳамзамон дар ҳамоиши сатҳи олӣ намояндагони Кумитаи сармоягузорӣ ва идораи амволи давлатии назди Ҳукумати Ҷумҳурии Тоҷикистон, намояндагони Сафоратхонаи Тоҷикистон дар Аморати Муттаҳидаи Араб, Кумитаи рушди сайёҳии назди Ҳукумати Ҷумҳурии Тоҷикистон, Ширкати сайёҳии «СкайТур»-и Тоҷикистон ва роҳбарони зиёда аз 30 корхонаву ширкатҳои истеҳсолии Тоҷикистон иштирок намуданд. Дар ҳамоиш масъалаи сармоягузорӣ ба рушди соҳаҳои сайёҳию кишоварзӣ, бунёди корхонаҳои саноатӣ, обрасонӣ, бахши беҳдошт, тиҷорат, фаъолиятҳои бонкӣ байни ду кишвар, ҳамлу нақл ва логистика дар Ҷумҳурии Тоҷикистон баррасӣ гардид.
Ҷониби Аморати Муттаҳидаи Араб ҳавасмандии худро оид ба сармоягузорӣ дар қаламрави Ҷумҳурии Тоҷикистон баён дошт. Масъалаи рушди туризм ва сармоягузорӣ дар таҳкими зербинои он аз муҳимтарин масоили ин ҳамоиш ба ҳисоб мерафт. Дар ин бахш намояндагони Ширкати сайёҳии «СкайТур»-и Тоҷикистон рушду пешрафт, имкониятҳо, мушкилоти мавҷудаи соҳа ва авлавияти ин бахши муҳими иктисодиёти ояндаи Ҷумҳурии Тоҷикистонро муфассал тавзеҳ доданд.
Дар назар аст, ки намояндагони Палатаи савдои шаҳри Абу Забии Аморати Муттаҳидаи Араб барои рушди соҳаи сайёҳии Ҷумҳурии Тоҷикистон сармоягузории дарозмуддат ба роҳ монанд.
Ассотсиатсияи миллии сайёҳии Тоҷикистон таъсис дода шуд
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
