Ҳамкории самарабахш миёни Тоҷикистон ва Молдова баррасӣ гардид
ДУШАНБЕ, 31.01.2018 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Украина ва Ҷумҳурии Молдова Файзулло Холбобоев дар доираи сафари кории худ ба Ҷумҳурии Молдова ҷиҳати иштирок дар мулоқоти навбатии Президенти Ҷумҳурии Молдова Игор Додон бо сафирони кишварҳои хориҷӣ, 30 январи соли 2018 бо Котиби давлатии Вазорати корҳои хориҷӣ ва ҳамгироии аврупоии Ҷумҳурии Молдова хонум Татяна Молчан мулоқот баргузор намуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар мулоқот масъалаҳои вобаста ба ҳолат ва дурнамои ҳамкории мутақобилан судманди ду давлат дар ҷабҳаҳои сиёсӣ, иқтисодӣ, тиҷоратӣ, фазои сармоягузорӣ, аз ҷумла, масъалаҳои баргузории ҷаласаи сеюми Комиссияи муштараки байниҳукуматии Тоҷикистону Молдова роҷеъ ба иқтисод, савдо, ҳамкории илмӣ-техникӣ, ки моҳи феврали соли 2018 дар Кишинёв дар назар аст, инчунин як зумра маъалаҳои дигари рушди ҳамкории дуҷониба мавриди муҳокима қарор дода шуданд.
Зимни мулоқот ҷонибҳо зарурати идома ва густариши ҳамкории самарабахш миёни Тоҷикистон ва Молдоваро дар сатҳи муносибатҳои дуҷониба ва бисёрҷониба таъкид намуданд.
Ба истироҳатгоҳи «Ҳамсафар» зиёда аз 300 кӯдак ҷалб мешавад
Пагоҳ дар якчанд вазорату идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ. Амнияту субот омили асосии рушди устувори давлатҳо ва зиндагии шоистаи инсоният ба ҳисоб меравад
Имрӯз дар шаҳри Душанбе ҳаво то 37 дараҷа гарм мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
