Ҷасорату ҷавонмардӣ омӯзем! Вазорати корҳои дохилӣ ду нафар ҷавонро барои наҷоти ҳаёти як ҷавонзан қадрдонӣ намуд
ДУШАНБЕ, 19.01.2018 /АМИТ «Ховар»/. Роҳбарияти мақомоти корҳои дохилии шаҳри Душанбе бо мақсади қадршиносии корнамоии ду нафар ҷавонон- Абдулло Қодиров, соли тавалудаш 1991 ва Ҳабибуллои Абдураҳмон, соли таваллудаш 2000, сокинони ноҳияи Фирдавсии шаҳри Душанбе, ки бо нишон додани сифатҳои баланди инсонӣ, аз қабили далерию ҷасурӣ ва ҷавонмардӣ ҳаёти як нафар ҷавонзани 19-соларо аз марг наҷот доданд, ҷаласаи тантанавӣ баргузор намуд. Дар ин бора ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Ёдовар мешавем, ки 16 январи соли равон, тахминан соатҳои 11:30, ҷавонзани 19- сола, сокини шаҳри Душанбе аз болои пули назди Корхонаи нассоҷии шаҳри Душанбе бо мақсади худкушӣ худро ба дарёи Душанбе сарозер кардааст. Ин ҷавонзан аз ҷониби ду нафар шаҳрвандон- Абдулло Қодиров ва Ҳабибуллои Абдураҳмон наҷот дода шудааст.
Дар ҷамъомади тантанавие, ки дар Раёсати ВКД дар шаҳри Душанбе бо мақсади қадршиносии корнамоии ду нафар наҷотдиҳандагон баргузор гардид, роҳбарият ва ҳайати шахсии мақомоти корҳои дохилии шаҳри Душанбе иштирок намуданд.
Зимни ҷамъомад сардори Раёсати ВКД дар шаҳри Душанбе Шариф Назарзода аз сифатҳои ҷавонмардонаи ду нафар сокинони шаҳр, ки чунин як ҳодисаи нохушро пешгирӣ карданд, изҳори миннатдорӣ намуд. Мавсуф гуфт, ки «мақомоти корҳои дохилии шаҳри Душанбе бо таҳия ва амалинамоии барнома ва корҳои пешгирикунандаи махсус мехоҳад пеши роҳи худкушӣ дар шаҳр гирифта шуда, барномаи тарзи ҳаёти солим миёни наврасону ҷавонон муаррифӣ гардад».
Сипас, дар вазъияти тантанавӣ сардори РВКД дар шаҳри Душанбе Шариф Назарзода Абдулло Қодиров ва Ҳабибуллои Абдураҳмонро барои нишон додани ҳисси баланди шаҳрвандӣ ва масъулиятшиносӣ бо «Сипоснома» ва туҳфаҳои хотиравӣ — соати дастӣ қадршиносӣ намуд.
Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
Дар Донишгоҳи давлатии Кӯлоб Рӯзи забони давлатӣ ва Рӯзи омӯзгорон таҷлил гардид
6 ОКТЯБР-РӮЗИ ҶАҲОНИИ ҲИФЗИ МАКОНИ ЗИСТ. Ҷомеаи ҷаҳонӣ бояд таъсири харобиовари омили антропогенӣ ба табиатро ҷилавгирӣ намояд
МУЛОҚОТИ СУДМАНД ВА ТАҲКИМБАХШ. Дар ҳошияи сафари Президенти Тоҷикистон ба Давлати Қатар
Имрӯз дар баъзе ноҳияҳои Тоҷикистон борони кӯтоҳмуддат меборад
Дар Душанбе Форуми даҳуми миллӣ оид ба волоияти қонун баргузор мегардад
Забони тоҷикӣ давоми бештар аз сӣ соли Истиқлолияти давлатӣ муҳимтарин омили ваҳдат ва сарҷамъии миллат гардид
Дар шаҳри Гулистон ба гиромидошти Рӯзи забони давлатӣ конференсия баргузор шуд
Бахшида ба Рӯзи забони давлатӣ дар Китобхонаи миллӣ ҳамоиш баргузор гардид
«ЗАБОН-РУКНИ МУАССИРИ ФАРҲАНГИ МИЛЛӢ». Таҳти ин унвон конференсияи илмӣ-назариявӣ баргузор гардид
«ЗАБОН-ОИНАИ ФАРҲАНГИ МИЛЛАТ». Дар Пажуҳишгоҳи илмӣ-тадқиқотии фарҳанг ва иттилоот Рӯзи забони давлатӣ таҷлил гардид
Дар филиали Донишкадаи ҷумҳуриявии такмили ихтисос ва бозомӯзии кормандони соҳаи маорифи Бадахшон ҳамоиши илмӣ баргузор шуд
