Дар Душанбе нахустин Маркази иттилоотии сайёҳӣ ифтитоҳ гардид
ДУШАНБЕ, 11.01.2018 /АМИТ «Ховар»/. Имрӯз бахшида ба Соли рушди сайёҳӣ ва ҳунарҳои мардумӣ эълон гардидани соли 2018 дар Кумитаи рушди сайёҳии назди Ҳукумати Ҷумҳурии Тоҷикистон нахустин «Маркази иттилоотии сайёҳӣ» ифтитоҳ ёфт.
Тавре мухбири АМИТ «Ховар» аз ҷараёни ҷамъомад иттилоъ дод, маркази мазкур бо таҷҳизоти муосири иттилоотӣ, аз қабили телевизорҳои плазмавӣ, планшетҳо ва ноутбукҳо таҷҳизонида шуда, дорои маводи иттилоотии сайёҳӣ ва армуғонҳо барои сайёҳон мебошад.
Муовини сардори раёсати рушди сайёҳии Кумитаи рушди сайёҳии назди Ҳукумати Ҷумҳурии Тоҷикистон Фаридун Мирзоев ҳадафи таъсиси Маркази муосири иттилоотии сайёҳиро ташвиқу тарғиб ва муаррифии бештари таъриху фарҳанги миллӣ ва пешниҳоди маълумоти дурусту саҳеҳ ба сайёҳон ва меҳмонони хориҷӣ арзёбӣ намуда, гуфт: «мақсади марказ хизматрасонии машваратию иттилоотӣ ба сайёҳон ва ҷалби бештари онҳо буда, он барои рушди соҳаи сайёҳӣ заминаи мусоид фароҳам меорад».
Дар Марказ планшетҳо ба шабакаи интернет пайваст буда, фарогири тамоми иттилооти зарурӣ оид ба имкониятҳои сайёҳии ҷумҳурӣ, таъриху фарҳанг ва анъанаҳои миллӣ, ширкатҳои сайёҳӣ, осоишгоҳу табобатгоҳҳо мебошад ва ба меҳмонон маълумоти саҳеҳро сари вақт пешниҳод менамояд.
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Дар Котиботи СҲШ дар Пекин ба муносибати ҷашни Наврӯз ҳамоиши тантанавӣ баргузор шуд
Ширкатҳои сайёҳии Тоҷикистон, Қирғизистон ва Узбекистон ҳамкориро рушд медиҳанд
«НАВРӮЗ-ҚАДИМТАРИН МЕРОСИ ФАРҲАНГИ САЙЁҲӢ ДАР МИНТАҚА». Муколамаи минтақавии Тоҷикистон, Қирғизистон ва Узбекистон баргузор гардид
Форуми II байналмилалии «Суғд-чорроҳаи роҳи бузурги абрешим» баргузор мегардад
Дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор гардид
Дар Чин имкониятҳои сайёҳии Тоҷикистон муаррифӣ мешаванд
«ЧИЛДУХТАРОН». Табиати нотакрор ва чашмаҳою гиёҳҳои шифобахши ин мавзеъ шуҳрати беандоза дорад
Донишгоҳи байналмилалии сайёҳӣ ва соҳибкории Тоҷикистон ҷиҳати иштирок дар рейтинги ҷаҳонии донишгоҳҳои «сабз» қадамҳои устувор мегузорад
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Дар Душанбе Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор шуд
