Дар Хатлон дар самти истифодаи замин 106 санҷиш гузаронида шуд

ҚӮРҒОНТЕППА, 27.01.2018 /АМИТ «Ховар»/. Прокуратураи  вилояти  Хатлон  дар  самти иҷрои    истифодаи  самараноки замин  корҳои мушаххас  ба  анҷом   мерасонад. Тавре  аз  прокуратураи вилояти  Хатлон  ба  хабарнигори АМИТ “Ховар”  иттилоъ  доданд, санҷишҳои гузаронида оид ба иҷрои талаботи қонунгузорӣ дар бораи самаранок ва оқилона истифода бурдани замин нишон доданд, ки вазъи истифодаи замин нисбат ба ҳамин давраи соли гузашта беҳтар гардидааст.

Соли  гузашта   дар  ин  самт  106 санҷиш гузаронида шуд.   Ҳамзамон  дар  ин  самт 207 амр дода шуда, баҳри бекор намудани санадҳои ғайриқонунӣ қабулшуда аз  тарафи  прокуророни шаҳру  навоҳӣ 258  эътироз оварда шуд. Аксарияти   эътирозҳо    мансуб  ба қарорҳои ғайриқонунӣ қабулнамудаи раисони ҷамоатҳои шаҳраку деҳот мебошанд.

Тавре прокурори  вилояти  Хатлон   Насрулло  Маҳмудзода  иттилоъ  дод, соли гузашта оид ба риоя  накардани  қонунгузорӣ  дар  самти  истифодаи  замин 272  парвандаи ҷиноятӣ оғоз карда шудааст. “Ҳамзамон дар асоси дидани чораҳои прокурорӣ зиёда аз 26,7  миллион сомонӣ қарзҳои барқ, об ва гази табиӣ рӯёнида шуданд”,-иброз  намуд  Н. Маҳмудзода.