Хонандагони шаҳри Хуҷанд мошинаи ояндаи коинот ва киштии ояндаи обӣ ихтироъ карданд

Январь 19, 2018 10:33

ДУШАНБЕ, 19.01.2018. /АМИТ «Ховар»/.  Дар Муассисаи таҳсилоти миёнаи умумии №2-и шаҳри Хуҷанд даври шаҳрии озмуни «Техникони наврас» баргузор гардид. Дар он аз ҷониби муҳассилини макотиби шаҳр беш аз 230 ихтироот ва маҳсули эҷод ба ҳайати доварон манзур карда шуд.

Тавре аз дафтари матбуоти раиси шаҳри Хуҷанд ба АМИТ «Ховар» хабар доданд, озмун аз рӯи 7 бахш-радиоконструкторӣ, авиамоделӣ, мошинаи ояндаи коинот, киштии ояндаи обӣ, автомоделӣ, ҳимояи шаҳри оянда ва ихтироъкорӣ сурат гирифта, дар он хонандагони тамоми мактабҳои таҳсилоти миёнаи умумии шаҳр фаъолона иштирок намуданд. Дар номгӯи ихтирооти хонандагон анвои гуногун бо диду нигоҳи хосса тариқи назариявӣ ва амалӣ пешниҳод ва ҳимоя карда шуд.

Ҳамин тавр, ҳайати доварон дар бахши радиоконструкторӣ хонандаи МТМУ№19 Меъроҷ Маҳмудов, дар бахши авиамоделӣ муҳассили Гимназияи №4 Баҳодур Абдуллоев, дар бахши мошинаи ояндаи коинот хонандаи мактаби хусусии «Паймони азизон» Эҳсон Неъматҷонов, дар бахши киштии ояндаи обӣ хонандаи МТМУ№19 Маҳмудҷон Болтуев, дар бахши автомоделӣ хонандаи МТМУ№21 Эмомалӣ Аллабердиев, ҳимояи шаҳри оянда муҳассили МТМУ №5 Азимҷон Бобоҷон ва дар бахши ихтироъкорӣ хонандаи мактаби хусусии «Гулчини маърифат» Муҳаммадамин Калоновро ғолиб эълон намуданд.

Ҳамзамон дар бахшҳои номбурда ҷойҳои 2 ва 3-юм муайян шуданд. Гурӯҳе а з хонандагони фаъол бо Cипоснома қадршиносӣ шуданд.

Ғолибони мақоми аввал ба озмуни вилоятии «Техникони наврас» роҳхат гирифтанд.

Интизор меравад, ки даври вилоятии озмун моҳи майи соли равон сурат гирад.

 

 

Январь 19, 2018 10:33

Хабарҳои дигари ин бахш

НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид
Имрӯз дар Тоҷикистон ҳарорат ба 38 дараҷа мерасад
Имрӯз дар якчанд вазорату идораҳо нишастҳои матбуотӣ баргузор мегарданд
Тоҷикистон мубодилаи почтаро бо Русия барқарор намуд
Сокинони деҳаҳои Ҷамоати деҳоти Навободи шаҳри Турсунзода бо оби тозаи нӯшокӣ таъмин гардиданд
Барои кормандони мақомоти молияи минтақаи Рашт машварати омӯзишӣ гузаронида шуд
25 июл дар якчанд вазорату идораҳо нишастҳои матбуотӣ баргузор мегарданд
Як қадам пештар
Муовини Сарвазири Тоҷикистон бо вазъи соҳаи кишоварзии ноҳияи Ёвон шинос гардид
Имрӯз дар Тоҷикистон ҳавои тағйирёбанда дар назар аст
Имрӯз дар мақомоти иҷроияи ноҳияҳои Исмоили Сомонӣ, Синои шаҳри Душанбе ва донишгоҳҳо нишасти матбуотӣ баргузор мегардад