ОБ БАРОИ РУШДИ УСТУВОР. Даъват барои иштирок дар 46-умин Намоишгоҳи байналмилалии асарҳои бадеии кӯдакон дар Чехия
ДУШАНБЕ, 4.01.2018. /АМИТ «Ховар»/. Ҷумҳурии Чехия кӯдакон ва наврасони 4-16-соларо барои иштирок дар 46-умин Намоишгоҳи байналмилалии асарҳои бадеии кӯдакон LIDICE – 2018, ки 1 июни соли равон дар Чехия ифтитоҳ мегардад, даъват менамояд. Қобили зикр аст, ки намоишгоҳ дар доираи Даҳсолаи байналмилалии амал «Об барои рушди устувор», солҳои 2018 — 2028 ба масоили вобаста ба об бахшида мешавад.
Тавре дар ин бора аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, намоишгоҳи мазкур аз ҷониби Вазорати фарҳанги Ҷумҳурии Чехия, Вазорати маориф, ҷавонон ва варзиши Ҷумҳурии Чехия, Вазорати корҳои хориҷии Ҷумҳурии Чехия ва намояндагии ЮНЕСКО дар Чехия ташкил карда мешавад.
Барои иштирок дар он хоҳишмандонро зарур аст, ки аризаи дархостии худро на дертар аз 28 феврали соли равон ба кумитаи тадорукоти Намоишгоҳ фиристанд.
Бояд ёдрас шуд, ки намоишгоҳ соли 1967 ба хотири кӯдакони деҳаи Лидисеи Ҷумҳурии Чехия, ки соли 1942 аз ҷониби миллатгароёни фашистӣ кушта шуда буданд, ташкил гардидааст. Имрӯз намоишгоҳ яке аз бузургтарин барномаи фарҳангии ҳунарӣ маҳсуб мешавад, ки дар он дастранҷи кӯдакон ва наврасон дар равияҳои гуногуни санъат, ба мисли мусаввирӣ, аксбардорӣ, филмсозӣ, заргарӣ, чӯбтарошӣ, кулолгарӣ, бофандагӣ, дӯзандагӣ ва дигар ҳунарҳо ба маъраз гузошта мешаванд.
Маълумоти муфассал ва шартҳои иштирок дар намоишгоҳро метавонед аз сомонаи www.mdvv.lidice.cz/en дарёфт намоед.
Дар ташкилоти ибтидоии «Заминсоз» ҳамоиши тантанавӣ баргузор шуд
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Восеъ ҳамоиш доир гардид
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Рӯдакӣ конференсия доир шуд
21 декабр Анҷумани XIII навбатии Ҳизби сотсиалистии Тоҷикистон доир мешавад
Оид ба нақши Ҳизби Халқии Демократии Тоҷикистон дар таҳкими ваҳдату якпорчагии миллат ҳамоиши илмӣ доир шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент, ноҳияҳои Айнӣ ва Кӯҳистони Мастчоҳ 764 қонуншиканӣ нисбат ба маҳсулоти ғайристандартӣ ошкор карда шуд
Дар Бадахшон маросими ҷоизасупории соҳаи сайёҳӣ, ҳунарҳои мардумӣ ва занбӯриасалпарварӣ баргузор шуд
Дар Ҳисор ба ифтихори 30-солагии таъсиси Ҳизби Халқии Демократии Тоҷикистон ҳамоиши идона доир шуд
Дар Британия қариб 66 ҳазор нафар бар асари тӯфон бе барқ монданд
Нархҳои маводи озуқаворӣ моҳи ноябр дар ҷаҳон 0,5% афзоиш ёфтанд
10 ДЕКАБР — РӮЗИ ҲУҚУҚИ ИНСОН. Дар Тоҷикистон таъсис додани вазифаи Омбудсмени соҳибкорӣ дар назар аст
