Рустам Шоҳмурод, Вазири адлияи ҶТ: «Яке аз масъалаҳои мушкили истеҳсолоти иҷро вобаста ба ситонидани алимент мебошад»

Январь 31, 2018 15:15

ДУШАНБЕ, 31.01.2018./АМИТ «Ховар»/. Охири соли 2017  Парлумони мамлакат  ба  Кодекси ҷиноятии Ҷумҳурии Тоҷикистон тағйиру иловаҳо ворид намуд, ки дар  асоси  он минбаъд   дар Тоҷикистон  нисбат ба шахсоне, ки аз супоридани алимент саркашӣ менамоянд, парвандаи ҷиноятӣ  боз карда мешавад. Дар ин бора Вазири адлияи Ҷумҳурии Тоҷикистон  Рустам Шоҳмурод  имрӯз зимни нишасти матбуотии ин ниҳод ба хабарнигорон иттилоъ дод.

Вазири адлия ҳамчунин зикр кард, ки дар асоси моддаи 178 – и Кодекси ҷиноятии Ҷумҳурии Тоҷикистон шахсоне, ки  дар зарфи се моҳ аз пардохти алимент барқасдона саркашӣ менамоянд, ба муҳлати то се сол  аз озодӣ маҳрум карда мешаванд.

«Яке аз масъалаҳои мушкили истеҳсолоти иҷро теъдоди зиёди ҳуҷҷати иҷро вобаста ба ситонидани алимент мебошад. ­Ҷамъбасти давраи ҳисоботи солҳои охир нишон медиҳад, ки воридшавии шумораи ҳуҷҷатҳои иҷро ба истеҳсолоти иҷрочиёни суд вобаста ба ситонидани алимент сол то сол тамоюли зиёдшавӣ дорад»,-  иброз намуд номбурда дар идомаи гуфтаҳои боло.

«Ҳадафи асосӣ аз ворид намудани тағйиру иловаҳо  ба кодекси мазкур- ин аз байн бурдани мухолифати қонунгузорӣ ва муҳофизати манфиатҳои қонунии фарзандони ноболиғ ва падару модари ғайри қобили меҳнат, инчунин иҷрои санадҳои судӣ  мебошад», — таъкид   намуд Рустам Шоҳмурод    ва   илова кард, ки    минбаъд  дар мамлакат  мутобиқи Кодекси оилаи Ҷумҳурии Тоҷикистон  фарзандони болиғи қобили меҳнат низ  уҳдадоранд, ки падару  модари ғайри қобили меҳнати ба кумак муҳтоҷи худро нигоҳубин намуда,  нисбат ба онҳо ғамхор бошанд. Дар сурати набудани созишномаи пардохти алимент барои падару  модари  ғайри қобили меҳнати муҳтоҷ аз фарзандони болиғи қобили меҳнат барои онҳо ба тартиби судӣ алимент ситонида мешавад.

Вазири адлия ҳамчунин  зимни посух ба суолҳои хабарнигорон  доир ба дигар паҳлуҳои фаъолияти  вазорат иттилоъ дод.

Январь 31, 2018 15:15

Хабарҳои дигари ин бахш

Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт