Вазорати энергетика ва захираҳои оби Ҷумҳурии Тоҷикистон, КВД «Тоҷикагролизинг» нишасти матбуотӣ баргузор менамоянд

ДУШАНБЕ, 29.01.2018. /АМИТ «Ховар»/. Пагоҳ, 30 январи соли 2018 Вазорати энергетика ва захираҳои оби Ҷумҳурии Тоҷикистон ва КВД «Тоҷикагролизинг» оид ба ҷамъбасти  фаъолият дар шашмоҳаи дуюми соли 2017 мутобиқи Амри Президенти Ҷумҳурии Тоҷикистон аз 15 сентябри соли 2011 нишасти матбуотӣ баргузор менамоянд.

Роҳбарони вазорату идораҳо ва ташкилоту муассисаҳо аз натиҷаҳои фаъолият дар нимаи дуюми соли гузашта маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Нишасти матбуотии КВД «Тоҷикагролизинг» соати 15:00 дар толори Маркази матбуоти ҷумҳуриявии «Ховар» ва нишасти матбуотии Вазорати энергетика ва захираҳои оби Ҷумҳурии Тоҷикистон соати 16:00 дар толори Маркази матбуоти ҷумҳуриявии «Ховар» гузаронида мешавад.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулони вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо бояд мувофиқа намоянд (хиёбони Рӯдакӣ, 40, ошёнаи 2, телефонҳои 918-21-52-04, 93 -512-12-88, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.