Чин барои мактаби Данғара обанбор ва нуқтаҳои обрасонӣ месозад
ДУШАНБЕ, 07.02.2018/АМИТ «Ховар»/. Палатаи поёнии Парлумони Тоҷикистон 7 феврал Созишномаи кумак барои амалисозии лоиҳаи бо об таъмин кардани мактаб дар ноҳияи Данғараро ба тасвиб расонд. Вазири маориф ва илми Ҷумҳурии Тоҷикистон Нуриддин Саид, ки санади мазкурро дар назди вакилон шарҳ дод, гуфт, ки Созишнома моҳи феврали соли 2017 дар шаҳри Душанбе ба имзо расонида шудааст.
Дар доираи татбиқи Созишномаи мазкур Чин барои таъмини мактаби таҳсилоти умумии рақами 42-и деҳаи Ҳусейншайхи ҷамоати Корези ноҳияи Данғара ба маблағи 12,5 миллион юан, муодил ба 17,3 миллион сомонӣ кумаки техникӣ мерасонад.
Зикр гардид, ки дар бунёди обанбор ва нуқтаҳои обрасонӣ, ки масофаи 5 километрро ташкил медиҳад, алҳол 25 коргари маҳаллӣ ва 7 нафар мутахассисони чинӣ фаъолият менамоянд. Интизор меравад, ки лоиҳаи мазкур то охири моҳи август ба анҷом расонида шавад.
Хотиррасон менамоем, ки мактаби мазкур моҳи марти соли 2014 бо маблағгузории Чин барои 640 хонанда дар як баст ба истифода дода шуда буд Дар маросими ифтитоҳи мактаб Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ширкат намуданд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
Мактаби сиёсии Пешвои миллат дар заминаи фаъолияти Ҳизби Халқии Демократии Тоҷикистон
Файзалӣ Идизода дар ҷаласаи муштараки Шуро ва ҷаласаи ҳаждаҳуми пленарии Ассамблеяи парламентии СААД иштирок намуд
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Дар ҷаласаи кумитаи Маҷлиси миллӣ Қонуни Ҷумҳурии Тоҷикистон «Дар бораи мақоми омӯзгор» баррасӣ шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Масъалаи Қонуни Ҷумҳурии Тоҷикистон «Оид ба ворид намудани иловаҳо ба Қонун «Дар бораи хизмати дипломатӣ» баррасӣ гардид
