Фаррух Ҳамрализода: «Эълони мораторияи дусола барои субъектҳои истеҳсолӣ ба рушди соҳибкорӣ мусоидат менамояд»
ДУШАНБЕ, 08.02.2018/АМИТ «Ховар»/. Пешниҳоди Президенти Ҷумҳурии Тоҷикистон Эмомалӣ Раҳмон доир ба эълон намудани мораторияи дусола дар самти санҷишҳои фаъолияти соҳибкорию истеҳсолӣ дар Ҷумҳурии Тоҷикистон зимни баррасии лоиҳаи Қонуни Ҷумҳурии Тоҷикистон «Дар бораи мораторий ба санҷишҳои фаъолияти субектҳои соҳибкорӣ дар соҳаҳои истеҳсолӣ» аз ҷониби вакилони Маҷлиси намояндагон қабул гардид.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода зимни тавзеҳи масъала дар Парлумони мамлакат гуфт, ки эълони мораторияи дусола барои субъектҳои истеҳсолӣ ба рушди соҳибкорӣ мусоидат менамояд. Бино ба суханони ӯ, баъд аз қабули қонуни мазкур дар ҷумҳурӣ феҳрасти махсуси субъектҳои соҳибкорӣ дар бахши истеҳсолот тартиб дода шуда, тибқи он субъектҳои соҳибкорӣ дар соҳаҳои истеҳсолӣ ҳуқуқ пайдо мекунанд, ки ба мақомоти марбутаи давлатӣ оид ба далелҳои вайрон гардидани меъёрҳои қонун муроҷиат намоянд.
Маврид ба зикр аст, ки мораторий бо мақсади бартараф намудани санҷишҳои беасосу такрорӣ ва фароҳам овардани фазои мусоид барои рушди соҳибкорӣ ба ҳама гуна санҷишҳои фаъолияти соҳибкорони истеҳсолӣ, ба истиснои санҷишҳои нақшавии мақомоти андоз, Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия ва Бонки миллӣ барои ду соли оянда эълон гардидааст.
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
Вакили Маҷлиси намояндагон дар Саммити минтақавии парлумонии кишварҳои Аврупои Шарқӣ ва Осиёи Марказӣ иштирок намуд
Ҷаласаи якуми иҷлосияи дуюми Маҷлиси намояндагон баргузор гардид
Дар шаҳри Душанбе иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир гардид
