Иштироки Намояндаи доимии Тоҷикистон дар СММ дар Конфронси ҷаҳонӣ оид ба Ҳадафи 7-уми рушди устувор
ДУШАНБЕ, 24.02.2018 /АМИТ «Ховар»/. 22 феврали соли 2018 Намояндаи доимии Ҷумҳурии Тоҷикистон дар СММ Маҳмадамин Маҳмадаминов дар Конфронси ҷаҳонӣ оид ба Ҳадафи 7-уми рушди устувор (неруи барқ), ки рӯзҳои 21-23 феврали соли равон дар шаҳри Бангкоки Таиланд баргузор шуд, иштирок ва суханронӣ намуд.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, намояндаи доимии Тоҷикистон дар СММ, ки дар чорабинии мазкур ба ҳайси муовини Президенти Шӯрои иқтисодӣ ва иҷтимоии СММ (ECOSOC) ширкат менамояд, инчунин яке аз ҷаласаҳои панелии конфронси мазкурро таҳти унвони “Таъмини дастрасии ҳамагонӣ ба неруи барқ” раисӣ намуд.
Дар ҳошияи Конфронс ҳамчунин мулоқоти М. Маҳмадаминов бо муовини Дабири Кулли СММ, Котиби иҷроияи ЭСКАТО Шамшод Ахтар баргузор гардид, ки зимни он масъалаҳои марбут ба ҳамкории Тоҷикистон ва ЭСКАТО, аз ҷумла, масъалаҳои таҳкими ҳамкории минтақавӣ мавриди муҳокима қарор гирифтанд.
Ҳамзамон ҷонибҳо оид ба чорабиниҳои дарпешистодаи муштараки СММ ва Тоҷикистон, аз ҷумла, чорабинии махсус оид ба оғози Даҳсолаи байналмилалии амал «Об барои рушди устувор», 2018-2028 (22 марти 2918, ш. Ню-Йорк), Конфронси байналмилалӣ оид ба татбиқи Даҳсолаи «Об барои рушди устувор», 2018-2028 (20-22 июни 2018, ш.Душанбе) ва Конфронси байналмилалӣ оид ба мубориза бо терроризм ва ифротгароӣ (3-4 майи 2018, ш.Душанбе) мубодилаи афкор намуданд.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
