ҚУРБИ АСЪОР: имрӯз дар муассиcаҳои қарзии Тоҷикистон нархи 1 рубли русӣ аз 0.1562 то 0.1565 сомонӣ муқаррар гардидааст

ДУШАНБЕ, 26.02.2018 /АМИТ «Ховар»/. Бонки миллии Тоҷикистон (БМТ) 26 феврал  қурби расмии асъори хориҷиро  бо мақсади ҳисобгирии муҳосибӣ ва пардохтҳои гумрукӣ  чунин муайян кардааст: 1 доллари ИМА = 8.8235 сомонӣ, 1 евро = 10.8608 сомонӣ, 1 рубли русӣ = 0.1562 сомонӣ.

Имрӯз, 26 феврал қурби миёнаи фурӯши асъори хориҷии нақд дар муассиcаҳои  қарзии Тоҷикистон барои 1 доллари ИМА 8.8300 сомониро ташкил медиҳад.

Инчунин дар ташкилоти мазкур 1 евро  аз 10.8500 то 10.9600 сомонӣ ва 1 рубли русӣ  аз 0.1562 то 0.1565 сомонӣ муқаррар карда шудааст.

БМТ огоҳ менамояд, ки «берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо  анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта,   боиси ҷавобгарии маъмурӣ ва ҷиноятӣ мегардад».