Ғалатӣ Мадалиева, як зани ҳунарманди шаҳри Кӯлоб дар рӯзҳои ҷашни Наврӯз чакану қаламарезгӣ, попуриву шероза ва дигар намуди маҳсулот ба фурӯш мебарорад
КӮЛОБ, 20.03.2018 /АМИТ «Ховар»/. Ғалатӣ Мадалиева ҳунармандест, ки дар шаҳри Кӯлоб беш аз чил сол дар рушди ҳунарҳои мардумӣ саҳм гузоштаву садҳо нафар занону духтаронро соҳибкасб намудааст. Дастони муъҷизаофари ин модари ҳунарманд чакану гулдӯзӣ, қаламарезгию зардӯзӣ ва дигар маҳсулоти ниёзи мардум меофарад. Ҳоло Ғалатӣ Мадалиева дар назди манзили истиқоматиаш маркази касбомӯзӣ ва ҳунарҳои мардумӣ ташкил кардааст. Мавсуф дар маркази омӯзишии хеш бо кумаки фарзандон аз вилояти Суғд чор дастгоҳи адрасбофӣ дастрас намуда, ду нафар мутахассисро барои омӯзиши занону духтарон ҷалб намуд. Салима Нурова ду моҳ боз дар ин марказ ҳунари адрасбофӣ меомӯзад ва дар муддати кӯтоҳ тавонист нозукиҳои касбро аз худ кунад. Салима ҳам мебофаду ҳам ба дигар духтарон ин ҳунарро меомӯзад. Дар ин марказ ҳама саргарми коранд.
Гурӯҳе кадбонугӣ меомӯзанду нону кулча, кулчақанду ширинӣ ва хӯрокҳои миллӣ омода месозанд. Гурӯҳи дигар бо дастгоҳҳо куртаю камзӯл ва дигар намуди либосҳоро аз матои адраси дар марказ бофташуда ва матоъҳои дигар медӯзанд, дигарон либосҳои арӯсӣ омода карда, барои гулдухтарон намоиш медиҳанд. Дар ин ҷо ҳатто Бибимайрами хурдакак бо кумаки бибияш шероз мебофад.
Аз оғози сол дар шаҳри Кӯлоб бо дастгирии макомоти иҷроияи ҳокимияти давлатӣ якчанд адад чунин марказҳо кушода шуданд, ки занону духтарони маҳаллӣ бо ҷои кор таъмин шуда, қисми дигарро ба касбомӯзӣ фаро гирифтанд. Иттилоъ дода шуд, ки дар марказ аллакай беш аз 800 метр адрас бофта, аз он либосҳои миллӣ омода карда шудаанд ва чакану қаламарезгӣ, попуриву шероза ва дигар намуди маҳсулотро дар ҷашни Наврӯз ба фурӯш мебароранд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
