«АЛЛА МЕГУМ БАЧАМЕ…». Суруди модар дар сари гаҳвора навозиш, меҳру муҳаббат ва орзуву таманниёти ӯ ба фарзанд мебошад
ДУШАНБЕ, 06.03.2018 /АМИТ«Ховар»/. Бахшида ба Рӯзи модар ва Соли рушди сайёҳӣ ва ҳунарҳои мардумӣ дирӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Донишгоҳи (славянии) Россияву Тоҷикистон фестивали ҷумҳуриявии «Суруди Модар-Алла» баргузор гардид.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки занону модарон инъикосгари симои зоҳирӣ ва ботинии ҳар як давлату миллат ба шумор мераванд.
«Аз лаҳзаи эҳёи табиат зиндагиро дар рӯи замин бе зан тасаввур намудан ғайриимкон аст. Зеро зан сарчашмаи меҳру муҳаббат ва фариштаи ҳар як хонадон ба ҳисоб меравад. Баробари шунидани калимаи зан пеши назар симои шахси ҳалиму меҳрубон ва мушфиқу меҳрубон- модар меояд. Зан-модар таҷассуми зебоӣ ва тимсоли биҳишт буда, барои ҳар як фарзанд шахси азизу маҳбуб ба шумор меравад. Ҳар қадаре зан бомаърифат бошад, ҳамон қадар оила ва ҷомеаву давлат ободу зебо ва устувор мегарданд. Заҳматҳои беназири зан- модар дар ҳаққи фарзанд моро водор месозанд, ки қадру қимат ва эҳтироми ӯро ҳамеша ба ҷо оварем ва барои ӯ шароити мусоид муҳайё кунем, то тавонад дар баробари фаъолияти созандааш фарзандони солиму соҳибмаърифат тарбия намояд»,- гуфт Аҳтам Абдуллозода.
Ҳамчунин раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зикр намуд, ки фестивали ҷумҳуриявии «Суруди Модар — Алла» ба ифтихори Рӯзи Модар ва Соли рушди сайёҳӣ ва ҳунарҳои мардумӣ доир гардида, он бо мақсади дар вуҷуди ҷавонон бедор намудани меҳру муҳаббат ва дӯст доштани модар роҳандозӣ шудааст. Ҳоло, ки сухан дар мавриди мақому манзалати зан- модар меравад, модарони тоҷикро бе сурудани алла тасаввур намудан ғайриимкон аст. Алла навозиш, меҳру муҳаббат ва орзуву таманниёти модар ба фарзанд мебошад. Ин суруди маъмулии халқӣ ҷузъе аз фарҳанги волои ниёгон буда, то имрӯз боқӣ мондааст. Аз тарафи дигар, алла рози дили модарон буда, дар он ҳувият ва эҳсосоти онҳо таҷассум меёбад. Он дар тарбияи кӯдак нақши назаррас мегузорад.
Дар фестивали ҷумҳуриявии «Суруди Модар- Алла» ҳунармандону ҷавондухтарони боистеъдод аз гӯшаву канори ҷумҳурӣ ҷамъ омада, дар васфи модар, таъсири алла ва навозиши модар ба фарзанд сурудҳо сароиданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
