Дар ноҳияи Спитамен Ассотсиатсияи ҳунармандони ноҳия таъсис дода мешавад
ХУҶАНД, 01.03.2018. /АМИТ «Ховар»/. Дар ноҳияи Спитамен ба муносибати Соли рушди сайёҳӣ ва ҳунарҳои мардумӣ ва дастгирии ҳунармандону соҳибкорони маҳаллӣ бо ибтикори мақомоти иҷроияи ҳокимияти давлатии ноҳия Ассотсиатсияи ҳунармандони ноҳия таъсис дода мешавад. Ин нукта зимни баргузории конфронси илмӣ-амалӣ ва мулоқот бо ҳунармандони ноҳия аз ҷониби раиси ноҳия Акрам Сулаймонзода зикр гардид.
Ба иттилои хабарнигори минтақавии АМИТ «Ховар», дар конфронс роҳбарияти ноҳия, раисони ҷамоатҳои шаҳраку деҳот, ҳунармандон, роҳбарияти Муассисаи давлатии вилоятии «Мактаби эҳё ва рушди адрасу атласбофии дастӣ ва дигар ҳунарҳои халқ» ва олимону донишмандон иштирок намуданд. Дар оғози конфронс дар даромадгоҳи Қасри фарҳанг намоиши ҳунарҳои мардумӣ ташкил карда шуд.
Зимни мулоқот раиси ноҳия аз ҳунармандон хоҳиш кард, ки барои рушди ҳунарҳои миллӣ, аз ҷумла, заргариву зардӯзӣ, кулолгарию, оҳангарӣ, мисгарию кандакорӣ, қолинбофию кашидадӯзӣ, атласу адрасбофӣ ва ғайра тадбир андешида, анъанаи неки мактаби «устод-шогирд»-ро эҳё ва ҳунарҳои мардумиро ба насли наврас омӯзонанд.
Ба андешаи роҳбарияти ноҳия, ташкили устохонаҳои замонавӣ бо ҷалби ҳарчӣ бештари наврасону ҷавонон ба манфиати кор буда, таъсиси растаҳои фурӯши ҳунармандон дар ҳудуди бозорҳои ноҳия низ аз манфиат холӣ нест.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
