Дар Осорхонаи миллӣ «Симои Зан-Модар» намоиш дода мешавад

ДУШАНБЕ, 01.03.2018 /АМИТ «Ховар»/. Пагоҳ дар Осорхонаи миллии Тоҷикистон бахшида ба Рӯзи Модар намоиши асарҳои рассомон таҳти унвони «Симои Зан-Модар» баргузор мегардад.

Тавре  ба АМИТ «Ховар» аз Осорхонаи миллӣ хабар доданд, дар намоиш мусаввараҳои Осорхонаи миллии Тоҷикистон таҳти унвони «Симои арӯс», «Симои Г.Сафаралиева», «Гулҳои Зарафшон», «Парастуҳо», «Модар» ва дигар асарҳои рассомони тоҷик ба маърази намоиш гузошта мешаванд.

Ба иттилои манбаъ, намоиши асарҳои рассомон аз 2 март оғоз ёфта, то 20 март идома меёбад.