Кумитаи иҷроияи ҲХДТ дар ноҳияи Сино барои пешгирии шомилшавии ҷавонон ба гурӯҳҳои тундрав тадбир меандешад
ДУШАНБЕ, 01.03.2018 /АМИТ «Ховар»/. Дирӯз дар ҶДММ «Ноқили ТАЛКО» маҷлиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе баргузор гардид.
Тавре мухбири АМИТ «Ховар» иттилоъ медиҳад, дар он раисони кумитаву ташкилотҳои ибтидоии ҳизбии ноҳия, раисони шаҳраку маҳаллаҳои ҳудуди ноҳия ва аъзои намояндагии Ташкилоти ҷамъиятии ҷавонон «Созандагони Ватан» иштирок намуданд.
«Кумитаи иҷроияи ҲХДТ дар ноҳияи Синои шаҳри Душанбе дар асоси дастуру супоришҳои зимни ирсоли Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ пешниҳодшуда фаъолияти худро ба роҳ монда, барои дар амал тадбиқ намудани онҳо тадбирҳои қатъӣ меандешад. Аз ҷумла, барои баланд бардоштани маърифати ҳуқуқии шаҳрвандон ва шомил нагардидани ҷавонон ба ҳизбу ҳаракатҳои террористию экстремистӣ корҳои фаҳмондадиҳӣ роҳандозӣ шудаанд»,- зикр гардид дар ҷамъомад.
Масъулин иброз доштанд, ки соли сипаригардида чун Соли ҷавонон, таҷлили сазовори 20-умин солгарди Рӯзи ваҳдати миллӣ ва 25-солагии Иҷлосияи XVI Шӯрои Олии Ҷумҳурии Тоҷикистон барои кумитаву ташкилотҳои ибтидоии ҳизбӣ соли бобарору пурсамар, амалисозии ташаббусҳои нави ҳизбӣ, эҷод ва истифодаи технологияи нави таблиғотӣ дар давраи маъракаҳои сиёсӣ, баланд гардидани нуфуз ва устувории мавқеи сиёсии Ҳизби Халқии Демократии Тоҷикистон буд.
Имсол низ нақшаҳо зиёданд ва ин аз ҳар як узви ҳизб фаъолнокию ташаббускорӣ талаб менамояд.
Дар маҷлис як гурӯҳ аъзои ҲХДТ барои саҳми арзанда дар корҳои ташкилию сиёсии ҳизб, иштироки фаъолона дар чорабиниҳои ҷамъиятӣ ва устувор гардонидани мавқеи ҳизб дар ҷомеа бо ифтихорнома ва сипосномаҳо сарфароз гардонида шуданд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
