МАРҲАМАТ БА ҶАШНГОҲ! Мақомоти иҷроияи ҳокимияти давлатии шаҳри Душанбе сокинону меҳмонони пойтахтро ба базмҳои наврӯзӣ даъват менамояд
ДУШАНБЕ, 20.03.2018 /АМИТ «Ховар»/. Таҷлили Иди байналмилалии Наврӯз дар шаҳри Душанбе 17 март бо баргузории Дави наврӯзӣ ва марафони велосипедронӣ оғоз гардид.
Алҳол дар пойтахт корҳои омодагӣ ҷиҳати ба таври идона ороиш додани макони баргузории базмҳои наврӯзӣ ба анҷом расида, баҳри сайру гашти оммавии сокинону меҳмонони пойтахт базмгоҳҳо пурра омода гардидаанд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, 21 март бахшида ба Иди Наврӯз дар чор ноҳияи пойтахт баргузории барномаҳои фарҳангию фароғатӣ ва сайру гашти оммавӣ дар назар дошта шудааст. Ин базмҳои идона дар «Боғи фарҳангию фароғатии ба номи С.Айнӣ»-и ноҳияи Исмоили Сомонӣ, «Майдони 800-солагии Москва»-и ноҳияи Шоҳмансур, Боғи ба номи Мироненкои ноҳияи Сино ва Боғи фарҳангию фароғатии «Дӯстии халқҳо»-и ноҳияи Фирдавсӣ доир мегарданд.
25 март дар Муассисаи давлатии «Наврӯзгоҳ» -и шаҳри Душанбе барномаи театрӣ бахшида ба Иди байналмилалии Наврӯз баргузор мегардад.
Маврид ба зикр аст, ки аз 21 то 25 март дар ҳамаи ҷашнгоҳҳои пойтахт намоиши ҳунарҳои мардумӣ дар назар дошта шудааст.
Ҳамчунин дар «Наврӯзгоҳ» 26 март мусобиқаи гӯштини миллӣ ва 31 март пойгаи аспдавонӣ баргузор мегарданд.
Мақомоти иҷроияи ҳокимияти давлатии шаҳри Душанбе сокинону меҳмонони пойтахтро ба ин ҷашнгоҳҳо даъват менамояд.
Дар Душанбе Ситод оид ба назорати истеҳсол ва сари вақт харидани либосҳои мактабӣ таъсис дода шуд
«ЗЕБИ ЧАКАНУ АТЛАС, ЗЕБОСАНАМИ ТОҶИК». Бо мақсади муаррифии либоси миллӣ дар пойтахт иқдом амалӣ мешавад
Дар Душанбе рӯзҳои фарҳанги вилоятҳо ва шаҳру ноҳияҳои кишвар баргузор мегарданд
РӮЗИ ДАЪВАТШАВАНДА. Дар Душанбе бахшида ба даъвати баҳории ҷавонон ба хизмати ҳарбӣ ҳамоиш доир шуд
«DUSHANBE NAVRUZ FEST». Дар Душанбе чорабинии фарҳангӣ-фароғатӣ баргузор мешавад
Соли 2025 дар Душанбе 63 корхонаю коргоҳи истеҳсолӣ таъсис дода шуд
Дар ноҳияи Шоҳмансури шаҳри Душанбе 48 маркази касбомӯзӣ фаъолият менамояд
Имрӯз дар боғҳои фарҳангӣ-фароғатии Душанбе барномаҳои рангини фарҳангӣ баргузор мешаванд
Субҳи имрӯз «Корвони наврӯзӣ» ба сокинону меҳмонони пойтахт навиди фарорасии баҳорро расонид
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» баргузор мегардад
Наврӯз ҳамчун бренди миллӣ ва абзори «дипломатияи фарҳангӣ»: натиҷаҳо ва дурнамои Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ»
МУЖДАИ ФАРОРАСИИ БАҲОР. Онро корвони наврӯзӣ тавассути чор дарвозаи пойтахт ба сокинон мерасонад
