«Муҳоҷирати ҷавонон дар ҷомеаи муосир: ҷанбаҳои демографӣ, иҷтимоӣ ва иқтисодӣ»-конфронси ҷумҳуриявӣ
ДУШАНБЕ, 05.03.2018 /АМИТ «Ховар»/. Бонки миллии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва иштироки намояндагони вазорату сохторҳои дахлдору ташкилотҳои қарзии мамлакат дар мавзӯи «Муҳоҷирати ҷавонон дар ҷомеаи муосир-ҷанбаҳои демографӣ, иҷтимоӣ ва иқтисодӣ» конфронси ҷумҳуриявӣ баргузор намуд.
Тавре аз Бонки миллӣ хабар доданд, дар конфронс муовини раиси Бонки миллӣ Ҳамидулло Машрабзода зикр намуд, ки Соли ҷавонон ва дастгирии ҳамаҷонибаи онҳо дар тамоми самтҳои фаъолияти иҷтимоиву иқтисодӣ боиси боло рафтани ҳисси ватандӯстии насли созанда гардида, дар ташаккули тафаккури ҷавонон оид ба масъалаҳои ифтихори миллӣ ва худогоҳиву худшиносӣ такони ҷиддӣ бахшид.
«Имрӯз иштироки фаъоли ҷавонон дар барномаҳои муҳими давлативу ҷамъиятӣ ва корҳои ободониву созандагӣ боиси ифтихор ва қобили таҳсин мебошад. Дар ин раванд ҳамзамон зарур аст, ки ҷавонон дар самти мубориза ба муқобили зуҳуроти номатлуб зиракии сиёсиро аз даст надода, дар ҳифзи амнияти ҷомеа ва давлат доимо омода бошанд. Дар баробари амалу ташаббусҳои созанда, муаррифии дастовардҳои илмиву эҷодӣ таъриху фарҳанги халқамонро гиромӣ дошта, барои ободиву пешрафти Ватани маҳбубамон саъю кӯшиш намоянд»,-гуфт Ҳамидулло Машрабзода.
Ҳамчунин раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки дастгириву ғамхории Ҳукумати Ҷумҳурии Тоҷикистон нисбат ба ҷавонон танҳо бо Соли ҷавонон маҳдуд нашудааст. Тавре дар Паёми навбатии Пешвои миллат зикр гардидааст, «ҳалли масъалаҳои вобаста ба наврасону ҷавонон минбаъд низ самти муҳимтарини фаъолияти мо хоҳад буд».
Дар ҷамъомад вобаста ба масъалаҳои танзими ҳуқуқии муҳоҷирати ҷавонон дар ҷомеаи муосир, фарогирии ҷавонон бо таҳсилот ва шуғл, муҳоҷирати ҷавонон дар ҷомеаи муосир — ҷанбаҳои демографӣ, иҷтимоӣ ва иқтисодӣ, имкониятҳои рушди сайёҳӣ дар мамлакат, омори муҳоҷирати меҳнатии шаҳрвандони ҶТ, интихоти касб дар ҷомеаи муосир миёни ҷавонон, раванди муҳоҷирати меҳнатӣ ва ҷанбаҳои иҷтимоию иқтисодии он сухан гуфтанд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
