Намояндаи доимии Тоҷикистон бо Раиси Кумитаи махсуси зиддитеррористии Парлумони Аврупо Натали Грисбек мулоқот намуд
ДУШАНБЕ, 06.03.2018 /АМИТ «Ховар»/. Мулоқоти Намояндаи доимии Ҷумҳурии Тоҷикистон дар назди Иттиҳоди Аврупо Эркинхон Раҳматуллозода бо Раиси Кумитаи махсуси зиддитеррористии Парлумони Аврупо хонум Натали Грисбек 2 март доир гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, Намояндаи доимии Тоҷикистон иттилооти муфассалеро оид бо фаъолияти ҳамарӯзаи давлати мо дар бахши муборизаи муваффақ ва мунтазам бар зидди ҳар гуна зуҳуроти ин падидаи шум ба намояндаи воломақоми Парлумони Аврупо манзур кард. Суҳбати доманадор пиромуни зарурати ҳамкории босамари ниҳодҳои Тоҷикистону Иттиҳоди Аврупо сурат гирифт.
Зимни мулоқот масоили марбут ба ширкати Парлумони Аврупо дар конфронси қарибулвуқӯъ дар мавзӯи «Мубориза алайҳи терроризм ва радикализм», ки баргузориаш 3-4 майи соли равон дар шаҳри Душанбе дар назар аст, баррасӣ шуданд.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
