Нуриддин Давронов дар ҳайати дастаи «Мадуро Юнайтед»-и Индонезия ба дарвозаи ҳарифон боз гол зад!
ДУШАНБЕ, 05.03.2018. /АМИТ «Ховар»/. Дирӯз капитани дастаи мунтахаби Тоҷикистон Нуриддин Давронов, ки дар ҳайати дастаи «Мадуро Юнайтед»-и Индонезия ҳунарнамоӣ менамояд, муаллифи гол гардид. Дар ин бора ба АМИТ «Ховар» аз Федератсияи футболи Тоҷикистон хабар доданд.
Гуфта мешавад, ки дар доираи омодагӣ ба мавсими нав дастаи Давронов бо дастаи «Хеган Юнайтед»-и Сингапур бозии рафиқона анҷом дода, бо ҳисоби 2 бар 0 ғалаба кард.
Тавре қаблан иттилоъ дода будем, 4 нафар бозингарони асосии ҳайати дастаи «Истиқлол»-и Душанбе — Нуриддин Давронов, Фатҳулло Фатҳуллоев ва Манучеҳр Ҷалилов ба дастаҳои Индонезия ва Ҷаҳонгир Алиев ба дастаи «Насаф»-и Ӯзбекистон гузаштанд.
Нуриддин Давронов охири моҳи декабри соли 2017 бо дастаи «Мадуро Юнайтед»-и Индонезия шартномаи 1-сола баста, рақами 22-и дастаи мазкурро соҳиб шуд. Дар ҳайати ин дастаи индонезиягӣ Давронов ҳамроҳ бо собиқ ҳамлагари дастаи «Локомотив»-и Москва Питер Одимвинге ҳунарнамоӣ мекунад.
Ӯ голи нахустини худро барои дастаи наваш аввали соли равон дар бозии даври якуми мусобиқоти «Suramadu Super Cup 2018», ки дар Индонезия гузаронида мешавад, ба сомон расонид. Бозии мазкур, ки бо дастаи «Персия» сурат гирифта буд, бо ҳисоби мусовии 2 бар 2 анҷом ёфт. Дар ин бозӣ футболбози тоҷик 90 дақиқа ҳунарнамоӣ намуда, бо задани зарбаи ҷаримавии мустақим муаллифи гол гардид.
Дастаи «Мадуро Юнайтед» аз шаҳри Памекасани Индонезия мебошад. Варзишгоҳи он «Гелора Бангкалан» буда, дорои 15 ҳазор ҷойи нишаст мебошад. Чемпионати соли 2018-и Индонезия 24 феврал оғоз гардид ва охири моҳи октябр ба анҷом мерасад. Аз рӯи натиҷаҳои мавсими қаблӣ «Мадуро Юнайтед» дар «Лигаи 1»-и чемпионати Индонезия мақоми панҷумро ишғол намуд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
