РӮЗИ ДАРҲОИ КУШОД: хатмкунандагон аз Донишкадаи молия ва иқтисоди Тоҷикистон дидан карданд
ДУШАНБЕ, 09.03.2018. /АМИТ «Ховар»/. Дар Донишкадаи молия ва иқтисоди Тоҷикистон (ДМИТ) бо мақсади ҷалби ҳарчи бештари довталабон Рӯзи дарҳои кушод ҷараён дорад. Дар ин бора ба АМИТ «Ховар» аз донишкадаи мазкур хабар доданд.
Ба иттилои Асадулло Муллоҷонов, котиби масъули комиссияи қабули соли таҳсили 2018-2019, дар ин маърака муҳассилин — хатмкунандагони муассисаҳои таҳсилоти умумии пойтахт ва ноҳияҳои тобеи марказ иштирок доранд. Дар донишкада оид ба ҳар як ихтисос ба довталабон гӯшаи махсус таъсис дода шуда, садорати факултетҳо дар бораи ихтисосҳои мавҷуда маълумоти зарурӣ пешниҳод менамоянд.
Довталабон дар баробари шиносоӣ бо комёбиҳо боз аз шароити синфхонаҳо, китобхонаи илмӣ ва электронӣ, хобгоҳҳо, марказҳои тестӣ, толорҳои фарҳангӣ ва варзишгоҳи замонавии ДМИТ дидан мекунанд.
Ба довталабон буклет ва шумораи махсуси рӯзномаи донишкадавии «Молия ва иқтисод», ки муаррифи ихтисосҳои роиҷи он аст, тақдим мегардад.
Қобили зикр аст, ки имрӯз донишкада аз рӯи 40 ихтисос мутахассис омода месозад, ки бозори меҳнат воқеан ба чунин мутахассисон ниёз дорад. Соли равон боз як ихтисоси дигар – менеҷмент дар соҳаи сайёҳии байналмилалӣ кушода шуд, ки ихтисоси замонавист ва талабот ба он зиёд аст.
Рӯзи дарҳои кушод дар донишкада то 10 марти соли равон идома меёбад.
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
