БА ТАВАҶҶУҲИ ҶАВОНПИСАРОН ВА ДУХТАРОН: мехоҳед ба ҳайси роҳбалад дар «Сомон Эйр» фаъолият намоед? Пас шитобед!
ДУШАНБЕ, 23.04.2018 /АМИТ «Ховар»/. Ширкати ҳавопаймоии «Сомон Эйр» барои қабули роҳбаладон аз ҳисоби ҷавонписарону духтарон озмун эълон намуд.
Синну соли номзадҳое, ки мехоҳанд ба ҳайси роҳбалад дар ин ширкат фаъолият намоянд, барои занон то 26 ва барои мардон то 28 муқаррар гардидааст. Қобилияти шиноварӣ, омодагии хуби ҷисмонӣ ва дорои қомати 1.65 метр аз шартҳои озмун ҷиҳати ноил гардидан ба вазифаи роҳбалад мебошанд. Дар ин бора аз ширкати ҳавопаймоии «Сомон Эйр» ба АМИТ «Ховар» хабар доданд.
Ҳамзамон номзаде, ки мехоҳад дар оянда ба ҳайси роҳбалад дар ин ширкати ҳавопаймоӣ фаъолият намояд, бояд дорои шиносномаи хориҷии Ҷумҳурии Тоҷикистон ва қобилияти муоширати хуб бо мусофирон бошад, инчунин забонҳои тоҷикӣ, русӣ ва англисиро хуб донад.
Номзадҳо имкон доранд, ки ҳуҷҷатҳои худро — тарҷумаи ҳол, нусхаи шиноснома, 2 сурати ранга (портретӣ ва ба дарозии қад), нусхаи диплом ва нусхаи сертификат дар бораи донистани забони англисӣ, агар бошад) то 30 апрели соли 2018 ба почтаи электронии hr@somonair.com ирсол намоянд ё ба суроғаи саридораи ширкати ҳавопаймоӣ, ки дар кӯчаи М.Мастонгулов – 40 воқеъ аст, супоранд. Телфонҳо барои тамос: +44 640 40 46.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
