«ЛОКОМОТИВЧИЁН» — БА ПЕШ! Ҷоми Иттифоқи касабаи роҳиоҳанчиёни Тоҷикистон оид ба футболи хурд барпо мегардад
ДУШАНБЕ, 03.04.2018 /АМИТ «Ховар»/. Бахшида ба Рӯзи ҷавонони Тоҷикистон, ки ҳамасола 23 май таҷлил карда мешавад, роҳбарияти КВД «Роҳи оҳани Тоҷикистон» тасмим гирифтааст, ки барои дарёфти Ҷоми Иттифоқи касаба миёни роҳиоҳанчиён мусобиқа оид ба футболи хурд доир намояд.
Тавре ба хабарнигори АМИТ «Ховар» раиси Кумитаи ҷумҳуриявии Иттифоқҳои касабаи роҳиоҳанчиёни Тоҷикистон Зикрулло Ҳамидов хабар дод, соли сеюм аст, ки чунин мусобиқа бо ташаббуси Иттифоқҳои касабаи роҳиоҳанчиёни Тоҷикистон, Шӯрои ҷавонони роҳи оҳан ва дастгирии роҳбарияти КВД «Роҳи оҳани Тоҷикистон» баргузор мегардад ва ба он ҷавонони то 35-сола ҷалб мешаванд.
Ба иттилои манбаъ, мусобиқа аз 10 апрел то 11 май ҳафтае се маротиба- сешанбе, чоршанбе ва панҷшанбе, соатҳои 17:30 то 19:20 дар майдончаи варзишии роҳи оҳан идома меёбад. Тӯли як моҳ 11 гурӯҳ аз ҳисоби ҷавонони корхонаҳои тобеи КВД «Роҳи оҳани Тоҷикистон» дар он байни ҳам рақобат мекунанд. Барои соҳиб гардидан ба ҷоми мусобиқа беҳтарин дастаҳо аз шаҳри Душанбе ва вилоятҳои Суғду Хатлон байни ҳам сабқат мекунанд.
Бино ба маълумоти Зикрулло Ҳамидов, дастаҳои ғолибро Ҷоми иттифоқи касаба бахшида ба Рӯзи ҷавонон, медалҳо, дипломҳо ва маблағҳои пулӣ интизоранд.
Дар шаҳри Бишкек ҷаласаи якуми Комиссияи байниҳукуматии Тоҷикистону Қирғизистон баргузор гардид
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
