Дар маркази ноҳияи Кӯҳистони Мастчоҳ бунёди боғи интенсивӣ бо усули обмонии қатрагӣ роҳандозӣ гардид
ХУҶАНД, 24.04.2018. /АМИТ «Ховар»/. Дар хоҷагиҳои кишоварзии вилояти Суғд майдони бунёди боғу токзорҳои нав рӯ ба афзоиш дорад. Чанде пеш, дар маркази маъмурии ноҳияи Кӯҳистони Мастчоҳ — шаҳраки Меҳрон, ки дар Дашти Рогиф ҷойгир аст, дар майдони беш аз 2 гектар замини лалмӣ ба бунёди боғи интенсивӣ бо усули обдиҳии қатрагӣ бо шинонидани 5000 бех ниҳоли себ асос гузошта шуд.
Тавре ба хабарнигори минтақавии АМИТ «Ховар» масъулини шуъбаи кишоварзии мақомоти иҷроияи маҳаллии ҳокимияти давлатии ноҳия иттилоъ доданд, бунёди боғҳои интенсивӣ дар доираи лоиҳаи кооперативи ғайритиҷоратии «Сароб» ва бо маблағгузории Иттиҳоди Аврупо амалӣ гардида, дар умум, тибқи нақша, боғҳои интенсивӣ дар майдони 6 гектар замин бояд бунёд карда шаванд. То имрӯз, дар ноҳия дар асоси Барномаи давлатии рушди боғу токпарварӣ барои солҳои 2016-2020 дар талу теппаҳо беш аз 22 гектар боғҳои нав бунёд шудаанд.
Ҳамзамон, мувофиқи маълумоти оморӣ, сокинони ноҳия соли 2017 аз майдони 555 гектар боғ беш аз 7600 тонна ҳосили мева ба даст овардаанд, ки маблағи умумии он ба ҳисоби миёна зиёда аз 700 ҳазор сомониро ташкил медиҳад.
Бино ба иттилои Сарраёсати идораи кишоварзии вилояти Суғд, дар миқёси вилоят то аввали моҳи апрели соли равон дар ҳамаи бахши хоҷагиҳо 568,9 гектар боғҳои нав бунёд гардида, аз масоҳати умумии боғҳо дар 69,7 гектар ниҳоли меваҳои тухмдор, дар 485,9 гектар ниҳоли меваҳои донакдор, дар 1 гектар ниҳоли меваҳои мағздор ва дар 12,3 гектар ниҳоли мевагиҳои субтропикӣ шинонида шудааст. Ҳамзамон, ҷониби хоҷагидорони вилоят то санаи 1 апрели соли 2018 дар майдони 570,4 гектар замин ниҳолҳои бисёрсола низ шинонида шудаанд. Инчунин, дар ин давра 1,5 гектар токзори нав бунёд шуд. Дар маҷмӯъ 640,8 гектар боғ ва 41,5 гектар токзор аз нав барқарор гардида, 7,4 ҳазор адад ниҳоли тут шинонида шуд.








Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид






