Парлумони Тоҷикистон ду санади ҳамкорӣ бо Ӯзбекистонро ба тасвиб расонд

Апрель 25, 2018 13:46

ДУШАНБЕ, 25.04.2018 /АМИТ «Ховар»/. Дар ҷаласаи  навбатии иҷлосияи чоруми палатаи поёнии Парлумони Тоҷикистон, ки имрӯз дар Душанбе таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров доир гардид,  се санади байнидавлатӣ — марбут ба рушди ҳамкории сарҳадӣ ва гумрукии  Ҷумҳурии Тоҷикистон бо кишварҳои хориҷӣ, аз ҷумла Ҷумҳурии Ӯзбекистон ва   Амороти Муттаҳидаи Араб  баррасӣ ва  тасдиқ гардиданд.

Хабарнигори АМИТ «Ховар» иттилоъ медиҳад, ки вакилони палатаи поёнии Парлумони  Тоҷикистон Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон  оид ба фаъолияти  намояндагони сарҳадӣ, Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон  дар бораи ҳамкорӣ  ҷиҳати таъмини фаъолияти  сарбанди «Фарҳод», инчунин Созишномаи  байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб оид ба ҳамкорӣ ва ёрии  байниҳамдигарӣ дар фаъолияти  гумрукиро муҳокима ва ба тасвиб расониданд.

Созишнома байни Ҳукумати Ҷумҳурии Тоҷикистон  ва Ҳукумати Ҷумҳурии Ӯзбекистон оид ба фаъолияти намояндагони сарҳадиро дар Парлумон  муовини якуми Раиси Кумитаи давлатии амнияти миллии Ҷумҳурии Тоҷикистон Мансурҷон Умаров ва вакили палатаи поёнии Парлумони Тоҷикистон Анвар Тағоймуродов тавзеҳ дода, зикр намуданд, ки  ин санад 9 марти соли 2018 дар шаҳри Душанбе дар доираи сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон ба имзо расидааст. Созишномаи мазкур аз дебоча ва 18 модда иборат буда, бо мақсади фароҳам овардани заминаи ҳуқуқии танзими фаъолияти намояндагони сарҳадии Тоҷикистону Ӯзбекистон ба имзо расонида шуд.

Зимни баррасии Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон дар бораи ҳамкорӣ  ҷиҳати таъмини фаъолияти сарбанди «Фарҳод» таъкид гардид, ки санади мазкур байни ду давлати ҳамсоя  — Тоҷикистон  ва Ӯзбекистон ба муҳлати 49  сол баста шудааст ва тарафҳоро барои таъмини амнияти иншооти мазкур муввазаф намуда, инчунин самтҳои ҳамкории ду давлати ҳамҷаворро ҷиҳати истифодаи сарбанди «Фарҳод» муайян менамояд.

Дар ҷаласаи палатаи поёнии Парлумони мамлакат ҳамзамон  лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии ҷиноятии  Ҷумҳурии Тоҷикистон»   ва лоиҳаи Қонуни  Ҷумҳурии Тоҷикистон «Дар бораи ҳаракат дар роҳ» дар таҳрири нав баррасӣ ва қабул гардиданд, ки ҳадафашон таҳкими волоияти қонун ва мутобиқ намудан ба Конститутсияи Ҷумҳурии Тоҷикистон ва Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мебошад.

Апрель 25, 2018 13:46

Хабарҳои дигари ин бахш

Вакили Маҷлиси намояндагон дар Форуми Осиёгӣ оид ба аҳолӣ ва рушд дар Босния ва Герсеговина иштирок намуд
Дар Маҷлиси намояндагон фраксияҳои ҳизбӣ таъсис дода шуд
Муовини Раиси Маҷлиси намояндагон бо ҳайати Шоҳигарии Белгия мулоқот намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар шаҳри Сочӣ аз маҷмааи таълимии «Сириус» дидан намуданд
Раиси Маҷлиси намояндагон бо роҳбарони ҳайатҳои Форуми «Муколамаи занони Осиёи Марказӣ» мулоқот намуд
Рустами Эмомалӣ бо Раиси Думаи давлатии Маҷлиси Федералии Федератсияи Русия Вячеслав Володин мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Федератсияи Русия Владимир Путин мулоқот намуданд
Рустами Эмомалӣ бо Раиси Шурои Федератсияи Маҷлиси Федералии Федератсияи Русия Валентина Матвиенко мулоқот намуданд
Рустами Эмомалӣ дар назди оромгоҳи Сарбози номаълум дар боғи Александри шаҳри Москва гулчанбар гузоштанд
Рустами Эмомалӣ барои анҷом додани сафари расмӣ вориди шаҳри Москва гардиданд
Дар Маҷлиси намояндагон Қонуни Ҷумҳурии Тоҷикистон «Дар бораи маърифати экологии аҳолӣ» баррасӣ гардид
Рустами Эмомалӣ ба шаҳри Москваи Федератсияи Русия сафар намуданд