Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо олимони самти гуманитарии мамлакат мулоқот намуд

Апрель 6, 2018 15:48

ДУШАНБЕ, 06.04.2018 /АМИТ «Ховар»/. Имрўз Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, академик Абдуҷаббор РАҲМОНЗОДА дар маҷлисгоҳи Донишгоҳи миллии Тоҷикистон бо олимони варзидаи мамлакат дар соҳаи илмҳои филология, фалсафа ва таърих мулоқот доир намуд.

Дар мулоқот муҳимтарин масъалаҳои илму фарҳанги ватанӣ, махсусан фаъолнокии донишмандони самтҳои гуманитарӣ дар ҳаёти иҷтимоию фарҳангии ҷумҳурӣ, саҳми онҳо дар таблиғу ташвиқи андешаҳои истиқлолхоҳӣ, ваҳдату якдилӣ ва худшиносии миллии дунявӣ мавриди баррасиву арзёбӣ қарор гирифтанд.

А. Раҳмонзода диққати ҳозиринро махсусан ба таҳқиқу таблиғи васеи ду масъалаи мубрами фарҳангиву сиёсӣ -аввалан, тарғибу ташвиқи ғояҳои волои Истиқлолияти давлатӣ, аҳамияти бузурги он дар таърихи чандҳазорсолаи халқи тоҷик, саҳми беназири Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими пояҳои Истиқлолияти миллӣ ва сониян, таҳқиқу таҳлили тамоми паҳлӯҳои ҷашнҳои сегонаи Наврўз, Меҳргон ва Сада ҷалб намуд.

Таъкид карда шуд, ки олимони самти гуманитарии мамлакат дар шароити имрӯзаи ҷаҳонишавӣ ва рақобатҳои мафкуравӣ бояд беш аз пеш аз худ фаъолнокӣ зоҳир намуда, ҷанбаҳои таърихӣ, адабӣ, фарҳангӣ ва фалсафии ғояҳои Истиқлолияти давлатиро мавриди омӯзиши амиқ қарор диҳанд. Дар мавриди ҷашнҳои Наврӯз, Меҳргон ва Сада зикр гардид, ки бо мақсади боз ҳам беҳтар таҷлил кардани онҳо корҳои илмиву амалии мукаммал ба сомон расонида, ҷиҳати бо шаклу тарзи нотакрор ва мазмуну муҳтавои нав баргузор кардани идҳои мазкур фикру мулоҳизаҳои худро аз дидгоҳи илмӣ асоснок пешниҳод намоянд.

 

Апрель 6, 2018 15:48

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад