Акрамшо Фелалиев: «Мо аз сатҳи ҳамкории Тоҷикистону Марокаш дар доираи созмонҳои байналмилаливу минтақавӣ қаноатмандем»
ДУШАНБЕ, 03.05.2018 /АМИТ «Ховар»/. «Мо аз сатҳи ҳамкории Тоҷикистону Марокаш дар доираи созмонҳои байналмилалӣ ва минтақавӣ, назири Созмони Милали Муттаҳид, Созмони ҳамкории исломӣ ва Форуми ҳамкории иқтисодии арабӣ бо кишварҳои Осиёи Марказӣ ва Озарбойон изҳори қаноатмандӣ менамоем». Чунин иброз намуд муовини Раиси Маҷлиси намояндагон Акрамшо Фелалиев зимни мулоқот бо Сафири Фавқулода ва Мухтори Подшоҳии Марокаш дар Ҷумҳурии Тоҷикистон Абдуҷалил Саубри.
А.Фелалиев инчунин афзуд, ки муносибатҳои дуҷониба бо Марокаш яке аз самтҳои муҳими сиёсати хориҷии Тоҷикистон ба шумор мераванд ва Тоҷикистон хостори густариши ҳамкорӣ бо ин кишвари арабӣ аст.
Зикр гардид, ки табодули тиҷоратӣ байни Тоҷикистон ва Марокаш ба таври зарурӣ ба роҳ монда нашудааст ва бинобар ин, имконоти мавҷудаи густариши ҳамкорӣ дар соҳаҳои тиҷорат, иқтисод ва сармоягузорӣ бояд самаронок истифода бурда шаванд.
Мусоҳибон ҳамчунин масоили кунунӣ ва дурнамои муносибатҳои ду кишвари дӯстро баррасӣ намуда, ба масъалаҳои татбиқи босамари лоиҳаҳои муштараки инфрасохторӣ дар бахши энергетика, нақлиёту коммуникатсия ва дар соҳаҳои саноату кишоварзӣ ва илму фарҳанг таваҷҷуҳ зоҳир карданд.
Ҳифзи пиряхҳо омили муҳими суботи иқтисодӣ-иҷтимоӣ маҳсуб мешавад
Дар ҷаласаи кумитаи Маҷлиси миллӣ оид ба таъмини асосҳои конститутсионӣ 18 масъала баррасӣ карда шуд
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Густариши робитаҳои байнипарлумонии Тоҷикистон ва Покистон баррасӣ шуд
Ҷаласаи Кумитаи Маҷлиси миллӣ оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, ВАО ва робитаҳои байнипарламентӣ доир шуд
Ҷаласаи Кумитаи Маҷлиси миллӣ оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занон баргузор гардид
Фаъолҷавонони шаҳри Душанбе бо фаъолияти Парлумони Тоҷикистон шинос шуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Байни Тоҷикистон ва Бонки аврупоии таҷдид ва рушд созишномаҳо ба тавсиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мегардад
Мавсума Муинӣ раисикунандаи гурӯҳи парламентии Кумитаи доимамалкунанда оид ба масъалаҳои иқлим интихоб гардид
Муносибатҳои байнипарлумонии Тоҷикистон ва Малайзия баррасӣ шуданд
