«ДУШАНБЕРО ЗЕБО КАРДЕД…». Сарвазири Федератсияи Россия Дмитрий Медведев пас аз расидан ба Тоҷикистон аз зеботар шудани пойтахти кишвар ситоиш кард
ДУШАНБЕ, 31.05.2018./АМИТ «Ховар»/. Тавре аллакай хабар додем, Сарвазири Федератсияи Россия Дмитрий Медведев бо сафари расмӣ ба Тоҷикистон омад. Ӯ ҳангоми дидор бо Президенти Ҷумҳурии Тоҷикистон муҳтарам Эмомалӣ Раҳмон пешниҳод кард, ки тамоми масоили ҳамкориҳои стратегии Душанбеву Москваро баррасӣ кунанд. Чунин хабар додаст имрӯз агентии «Спутник»-и Россия.
Президенти Ҷумҳурии Тоҷикистон Эмомалӣ Раҳмон Дмитрий Медведевро ба муносибати таъин гаштанаш ба симати раиси Ҳукумати Россия муборакбод гуфт, омадааст дар хабари мазкур. Эмомалӣ Раҳмон таъкид кард, ки «рушди муносибатҳои кишвар бо Россия яке аз самтҳои муҳими сиёсати хориҷии Тоҷикистон мебошад. Тоҷикистон дар оянда низ ҷонибдори нумӯи муносибатҳо бо Россия хоҳад буд».
Медведев саломи Президенти Федератсияи Россия Владимир Путинро ба Эмомалӣ Раҳмон расонид. Вай афзуд, рамзист, ки аввалин сафари хориҷии вай баъди аз нав ба ҳайси Раиси Ҳукумати ФР таъйин шуданаш маҳз ба Тоҷикистон сурат гирифтааст. Сарвазири Россия пешниҳод кард, ки тамоми ҷанбаҳои ҳамкориҳои дуҷониба баррасӣ шаванд.
Дмитрий Медведев тағйиротҳои солҳои охири намуди Душанберо махсус зикр кард. «Ман ҳоло ба Душанбе ворид шудам ва дидам, ки шаҳр хеле зебо ва бароҳат шудааст»,- гуфт Медведев. Вай афзуд, симои дигар гирифтани пойтахт- аз хизматҳои Президенти Ҷумҳурии Тоҷикистон аст.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
