«Мусоидати СММ дар пешгирии ифротгароии хушунатомез: таҷрибаи мавҷуда», — таҳти чунин унвон дар Душанбе ҳамоиш доир гардид
ДУШАНБЕ, 03.05.2018. /АМИТ «Ховар»/. Дар ҳошияи Конфронси байналмилалии сатҳи баланд «Муқовимат бо терроризм ва ифротгароии хушунатомез», ки таҳти роҳбарии Ҳукумати Ҷумҳурии Тоҷикистон баргузор мегардад, имрӯз дар Китобхонаи миллӣ СММ ҳамоиши канории худро таҳти унвони «Мусоидати СММ дар пешгирии ифротгароии хушунатомез: таҷрибаи мавҷуда» доир намуд.
Ҳамоишро ҳамоҳангсози доимии СММ дар Ҷумҳурии Тоҷикистон Пратибха Меҳта ифтитоҳ намуда, таъкид кард, ки терроризму ифротгароӣ мушкилоти як ду давлат нест, балки кулли сайёра аз раванди авҷгирии он дар ташвиш аст. Зикр шуд, ки имрӯз аз ҷониби созмонҳои байналмилалӣ ва давлатҳо баҳри ҷилавгирӣ аз ин тамоюл тадбирҳои мушаххас андешида мешаванд. Конфронси байналмилалии сатҳи баланд «Муқовимат бо тероризм ва ифротгароии хушунатомез», ки таҳти роҳбарии Ҳукумати Ҷумҳурии Тоҷикистон баргузор мегардад, аз ҷумлаи тадбирҳои муҳим баҳри дарёфти роҳҳои ҳалли мушкилоти мавҷуда мебошад.
Дар ҳамоиш коршиносони байналмилаливу митақавӣ масъалаҳои мавриди назарро дар ин самт баррасӣ карда, барои дарёфти роҳҳои нави муқовимат бо терроризму ифротгароӣ таклифу пешниҳодҳо карданд.
Коршиносон бо ишора ба вазъи ноором дар Афғонистон ва ҳамсарҳадии давлатҳои минтақа бо он иброз доштанд, ки бояд тадбирҳои амниятӣ ба хотири ҷилавгирӣ аз таҳдидҳо андешида шаванд. Аз ин рӯ ҳамкории мутақобилан судманди ниҳодҳои қудратии тамоми кишварҳои Осиёи Марказӣ дар ин самт муҳиму маҳаки асосии муваффақият номида шуд.
Дар ҳоле, ки терроризму ифротгароӣ ба мушкилоти рақами 1 -и сайёра табдил ёфтааст, кишварҳоро зарур аст, ки ҳарчи бештару зиёдтар дар роҳи пешгирии ин раванд ва коҳиш додани нуфузи гурӯҳҳои тундрав дар минтақаҳои алоҳида ҳамкории густурдаро ба роҳ монанд.
Дар доираи ҳамоиши имрӯза коршиносони кишварҳои гуногун ва намояндагони созмонҳои бонуфуз суханронӣ карда, зарур донистанд, ки ҳамкорӣ дар самти мубориза бар зидди ифротгароӣ тақвият дода шавад. Ҳамчунин дар ин рӯз намоиши видеоӣ ва аксҳо оид ба ҷилавгирӣ аз раванди афзоиши терроризму ифротгароӣ пешкаш карда шуд.
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
