Шуҳрати маҳсулоти корхонаи хурди ресандагии деҳаи дурдасти Сежди ноҳияи Роштқалъа то ба Амрико расид!
ХОРУҒ, 02.05.2018 /АМИТ «Ховар»/. Занону духтарони деҳаи дурдасти Сежди ноҳияи Роштқалъаи Вилояти Мухтори Кӯҳистони Бадахшон ду сол пеш корхонаи хурди ресандагиро таъсис дода, аз муинаи бузи ангорӣ ё тибетӣ ришта мебофанд ва ба харидорони дохиливу хориҷӣ пешкаш менамоянд.
Тавре дар суҳбат бо мухбири минтақавии АМИТ “Ховар” роҳбари корхонаи мазкур Раҳима Шириншоева иброз дошт, аксарияти сокинони деҳа ба чорводорӣ машғуланд ва ҳар як хонавода аз 50 то 100 сар моли майда, аз ҷумла бузҳои ангорӣ дорад. “Муинаи бузи ангорӣ дар бозори ҷаҳонӣ арзиши баланд дорад. Нархи як килои ин навъи муина 145 доллари амрикоӣ аст. Баъди ба кор даромадани ин корхона 20 нафар занону духтарон соҳиби ҷои кори доимӣ ва садҳо нафар сокинони деҳа бо фурӯхтани муина ба корхона соҳиби даромади хуб шуданд.
Ба гуфтаи Раҳима Шириншоева, ду сол пеш як сайёҳи амрикоӣ ба ин деҳа ташриф оварда, чанд калоба муинаи бузи ангориро харидорӣ намудааст. “Он сайёҳ баъди бозгашт ба Амрико ҳамкориро бо корхонаи мо идома дод. Бо кумаки сайёҳон маҳсулоти мо дар хориҷ аз кишвар харидорони худро пайдо кард, — афзуд Р. Шириншоева. — Ҳоло як калоба ресмони тавлидкардаи корхона дар бозори маҳаллӣ 105 сомонӣ ва дар хориҷ наздик ба 1 ҳазору 300 сомонӣ мебошад”.
Раҳима Шириншоева зикр намуд, ки эълон гардидани соли 2018 ҳамчун Соли рушди сайёҳӣ ва ҳунарҳои мардумӣ имконияти хуби муаррифии ҳунару фарҳанги халқи тоҷик ба ҷаҳониён мебошад.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
