Тасдиқи Фармонҳои Президенти Ҷумҳурии Тоҷикистон аз ҷониби Парлумони мамлакат
ДУШАНБЕ, 11.05.2018 /АМИТ «Ховар»/. Имрӯз дар шаҳри Душанбе таҳти ҳамраисии Раиси Маҷлиси миллӣ ва Раиси Маҷлиси намояндагон ҷаласаи шашуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати панҷум доир гардид, ки дар он Фармонҳои Президенти Ҷумҳурии Тоҷикистон муҳтарам Эмомалӣ Раҳмон аз 13 ва 19 январи соли 2018 марбут ба тағйироти кадрӣ тасдиқ гардиданд.
Хабарнигори АМИТ «Ховар» аз ҷараёни ҷаласаи муштараки Маҷлиси миллӣ ва Маҷлиси намояндагон иттилоъ дод, ки Фармонҳои Президенти Ҷумҳурии Тоҷикистон муҳтарам Эмомалӣ Раҳмонро дар назди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода тавзеҳ дод.
Ҳамин тариқ бо қарорҳои якҷояи Маҷлиси миллӣ ва Маҷлиси намояндагони Маҷлиси Олӣ Фармонҳои Президенти Ҷумҳурии Тоҷикистон дар бораи аз вазифаи Вазири молияи Ҷумҳурии Тоҷикистон озод намудани Қурбониён Абдусалом Карим, аз вазифаи Раиси Кумитаи давлатии идораи замин ва геодозии Ҷумҳурии Тоҷикистон озод намудани Раҷаббой Аҳмадзода, бинобар ба кори дигар гузаштанаш, аз вазифаи Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон озод намудани Қаҳҳорзода Файзиддин Саттор, бо сабаби ба кори дигар гузаштанаш тасдиқ гардиданд.
Ҳамзамон аъзои палатаи болоӣ ва вакилони палатаи поёнии Парлумони Тоҷикистон Фармонҳои Президенти Ҷумҳурии Тоҷикистонро аз 19 январи соли 2018 дар бораи Вазири молияи Ҷумҳурии Тоҷикистон таъйин намудани Қаҳҳорзода Файзиддин Саттор, дар бораи Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъйин намудани Ҳамрализода Фаррух Маҳмуд ва дар бораи Раиси Кумитаи давлатии идораи замин ва геодезии Ҷумҳурии Тоҷикистон таъйин намудани Ҳакимзода Қурбонро тасдиқ намуданд.
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Байни Ҳукумати Ҷумҳурии Тоҷикистон ва Ҳукумати Федератсияи Русия созишнома ба тасвиб расид
Нахустин арзишҳои маънавии инсон, заминаи ҷаҳонбинӣ, ахлоқ ва шуур маҳз аз оғӯши модар ташаккул меёбанд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор шуд
Дар Маҷлиси намояндагон оид ба аҳаммияти гузариш ба низоми дувоздаҳсолаи таълим ҳамоиш доир гардид
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома ба тасвиб расид
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
