Дар деҳаи Барсеми ноҳияи Шуғнон пули нави мошингузар бунёд мегардад
ХОРУҒ, 19.06.2018 /АМИТ «Ховар»/. Бо дастгирии Вазорати нақлиёти ҷумҳурӣ дар километри 638-уми шоҳроҳи Душанбе-Кӯлоб- Қалъаихумб- Хоруғ- Мурғоб- Қулма сохтмони пули нави мошингард аз болои дарёи кӯҳии деҳаи Барсеми Ҷамоати Сучони ноҳияи Шуғнони Вилояти Мухтори Кӯҳистони Бадахшон идома дорад.
Сардори Муассисаи давлатии хоҷагии роҳҳои мошингарди вилоят Гулаёз Рамазонов дар суҳбат бо хабарнигори минтақавии «Ховар» гуфт, ки «тобистони соли 2015 бар асари ҷорӣ шудани сели азим маҷрои дарёи Ғунд баста шуда, беш аз 200 метр роҳи мошингард низ зери об монд. Ба мақсади барқарор кардани ҳаракати нақлиёт роҳсозон маҷбур шуданд, ки сангҳои азимро тарконда, аз камари кӯҳ роҳи нав бунёд кунанд. Дар ҳамин қитъаи роҳ як дарёи кӯҳӣ низ мавҷуд аст, ки аз болояш пули муваққатӣ сохтанд. Вале дар мавсими обхезӣ сатҳи об баланд гардида, барои ронандагон мушкили зиёд эҷод мекард. Бинобар ин Вазорати нақлиёт барои бунёди пули нави мошингузар 600 ҳазор сомонӣ ҷудо кард ва бунёди онро коргарони Ҷамъияти масъулияташ маҳдуди «Дорожник» ба уҳда гирифтанд».
Ҳоло дар сохтмон 80 фоизи корҳо ба анҷом расидаанд. Қарор аст, ки дар нимаи сеюми моҳи июн пули мазкур ба истифода дода шавад.
Бояд гуфт, ки бунёди пули мошингард аз болои дарёи Шорви Ҷамоати деҳоти Сучони ноҳияи Шуғнон на танҳо рафтуомади сокинони ин ноҳияро осон мегардонад, балки ба сари вақт интиқол додани молу коло ба тамоми манотиқи кишвар низ мусоидат мекунад. Зеро ин қитъаи роҳ шомили шоҳроҳи байналмилалии Кӯлоб- Қалъаихумб -Хоруғ -Қулма буда, ҳамарӯза аз он садҳо мошинҳои сабукраву боркаш убур мекунанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
