Дар шаҳри Турсунзода оид ба истифодаи қонунии неруи барқ ҷамъомад доир гардид
ТУРСУНЗОДА, 14.06.2018 /АМИТ «Ховар»/. Дар маҷлисгоҳи ҶСК шабакаҳои барқи шаҳри Турсунзода бо иштироки раисони маҳаллаҳо, рӯҳониён, назоратчиёни барқи шабакаҳои барқ оид ба истифодаи қонунӣ ва самарабахши неруи барқ дар байни аҳолии шаҳр ҷамъомади судманд доир гардид. Дар ин бора масъулини барқи шаҳри Турсунзода ба хабарнигори АМИТ «Ховар» иттилоъ доданд.
Сардори шабакаҳои барқи шаҳри Турсунзода Салоҳиддин Холиқзода зикр намуд, ки аҳолии шаҳри Турсунзода бо барқи доимӣ таъмин аст. Мутахассисони шабакаҳои барқ сари вақт ҳолатҳои садамавиро бартараф намуда, барои таъмини барқи доимии аҳолӣ ба таври шабонарӯзӣ меҳнат мекунанд. Ҳарчанд 50 нафар танзимгарони барқ бо фаъолону раисони маҳаллаҳо дар байни аҳолӣ мунтазам корҳои фаҳмондадиҳӣ гузаронанд ҳам, вале баъзе шаҳрвандон дидаву дониста, ба истифодаи ғайриқонунии неруи барқ машғул мегарданд.
Соли равон дар шаҳри Турсунзода нисбат ба 127 нафар барои истифодаи ғайриқонунии неруи барқ ба маблағи умумии 98 ҳазору 572 сомонӣ санадҳои маъмурӣ тартиб дода шуданд.
Зимни ҷамъомад мутахассисон зикр карданд, ки баъзе шаҳрвандон барои насупоридани маблағи қувваи барқ ва ҳисоб накардани ҳисобкунакҳои барқии электронӣ ба таври ғайриқонунӣ майдони магнитӣ ташкил намудаанд.
Дар ҷамъомад аз рӯҳониёну фаъолони деҳот ва раисони маҳаллаҳо хоҳиш карда шуд, ки дар якҷоягӣ бо назоратчиёни барқ бо аҳолӣ корҳои фаҳмондадиҳӣ гузаронанд.
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
