МЕССИИ ЭРОНӢ ДАР МОСКВА. Ҳамандоми футболбози аргентинӣ Лионел Месси барои дастгирии дастаи мунтахаби кишвараш дар Чемпионати ҷаҳон ба Россия омад
ДУШАНБЕ, 15.06.2018./АМИТ «Ховар»/. Дар ҳоле, ки варзишгари машҳури тими Аргентина Лионел Месси ба сабқатҳои дарпешистода омодагии ҷиддӣ мебинад, «нусхаи» эронии вай дар кӯчаҳои марказии Москва гашта, ба ҳаводорони Месси ба шавқ соядаст тақдим мекунад, навиштааст агентии иттилоотии «Спутник»-и Россия.
«Дар ҳақиқат ба ҳаводорон мушкил аст, ки Мессии аслиро аз сохтааш фарқ кунанд. Ризои Парастиши эронӣ сахт ба Месси монанд аст.
Маҳз ба хотири шабоҳат ба Месси Ризо Парастишро дар Эрон машҳур кард. Ӯ ҳоло аз тамоми ҷаҳон мухлисони зиёди худро пайдо кардааст.
Ҳамандоми футболбози аргентинӣ ба Россия барои дастгирии тими мунтахаби Эрон омадааст.
Ризо ҳар рӯз ба Инстаграм дар бораи саргузаштҳои аҷибе, ки бо вай рух медиҳад, навор ё акс мегузорад.
Дар шабакаҳои иҷтимоӣ навиштаанд, ки гӯё пулиси Москва Мессии эрониро барои ким -кадом қонуншиканиаш боздошт кардааст.
Аммо муҳофизони ҳуқуқи Москва дар асл дар фикри боздошти «футболбоз» ҳам набуданд. Онҳо низ ӯро Мессии ҳақиқӣ пиндошта, аз ҳаводороне, ки ӯро иҳота карда буданд, хоҳиш мекарданд, ки тартиботро риоя кунанд.
Ҳатто кормандони Росгвардия ҳам бо «Месси» акс ва соядаст гирифтанд.
«Рӯзи гузашта овоза пайдо шуд, ки гӯё пулиси Москва маро боздошт кардааст. Ин дуруғ аст. Шумо метавонед асли қазияро аз навор тамошо кунед: мухлисони футбол, ки аз кишварҳои гуногуни ҷаҳон омада буданд, ба назди ман омада, хоҳиш мекарданд, ки якҷо акс гирем. Дар натиҷаи роҳро мухлисон бастанд. Кормандони пулиси Маскав маро бо эҳтироми хос ба ҷое дар назди девори Кремл бурданд, ки он ҷо оромтар буд. Кормандони пулис ҳам аз ман хоҳиш карданд, ки акс гирем ва ман ба онҳо соядаст додам», — навиштааст Мессии эронӣ.
Ризо Парастиш дар Эрон ягона ҳамандоми ситораҳои ҷоҳонӣ нест. Дар кӯчаҳои Теҳрон ҳамчунин метавон бо Криштиану Роналду ва Луис Суарес акс гирифт. Аммо ба Ҷоми футболи ҷаҳон дар Русия танҳо Мессии эронӣ расидаасту халос.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
