Муовини вазири энергетикаи Ироқ Муртазо Судонӣ: «Конференсияи Душанбе дар ҳалли мушкилоти соҳаи об нақши амиқ хоҳад гузошт»
ДУШАНБЕ, 21.06.2018 /АМИТ «Ховар»/. Тавре иттилоъ додем, дар Конференсияи байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» намояндагон аз мамолики гуногуни арабӣ иштирок доранд. Хабарнигори АМИТ «Ховар» зимни танаффуси ҷаласаи пленарӣ бо муовини вазири энергетикаи Ироқ Муртазо Судонӣ оид ба мавзӯъҳои баррасишаванда дар Конфронси байналмилалии сатҳи баланд суҳбат баргузор намуд.
— «Пеш аз ҳама, мехоҳам миннатдории самимии худ ва ҳайати кишвари Ироқро ба тамоми мардуми Тоҷикистон, Ҳукумати Тоҷикистон ва масъулини баргузории ин ҳамоиши бузург изҳор кунам. Воқеан мавзӯъҳое, ки иштирокдорон мавриди муҳокимаву таҳлил қарор додаанд, ҷолибу муҳим буда, кайҳо фурсати баррасӣ намудани онҳо бо иштироки намояндагон аз кишварҳои гуногун фаро расида буд. Ман итминон дорам, ки Конференсияи Душанбе дар ҳалли мушкилоти соҳаи об нақши амиқ хоҳад гузошт. Зеро агарчи баъзе кишварҳо аз лиҳози ҷуғрофӣ аз ҳамдигар дар масофаи дур қарор дошта бошанд ҳам, мушкилоти умумӣ доранд», — зикр кард Муртазо Судонӣ ва дар идома гуфт:
«Дар баробари ҳамин кишварҳои ҳамсарҳади минтақаи Шарқи наздик ва кишварҳои ҳамсарҳади минтақаи Осиёи Марказӣ дар масоили таъминот бо об ва идоракунии он мушкилоти ба ҳам монанд доранд. Ҳам кишварҳои ҳамсарҳади Шарқи наздик ва ҳам кишварҳои ҳамсарҳади Осиёи Марказӣ даҳсолаҳо боз барои ҳалли мушкилоти соҳаи об бо ҳамдигар муколама ва гуфтушунидҳо доранд. Вале барои ҳалли мавзӯи мазкур дар як Конфронси сатҳи ҷаҳонӣ ба ҳам овардани намояндагони вазорату идораҳои дахлдори қариб ҳамаи кишварҳо аз минтақаҳои гуногуни олам амали беназир ва шоистаи таҳсин мебошад».
-На танҳо мо, ҳайати мамлакати Ироқ, балки ҳамчунин намояндагони дигар кишварҳо умед бар он дорем, ки Конфронси Душанбе барои ҳалли мушкилоти соҳаи об заминаи хуб мегузорад ва давоми даҳ соли оянда ҳамкории наздисарҳадӣ, риояи дипломатияи об, маблағгузории соҳа, бунёди инфрасохтори устувори соҳаи об ба сатҳи сифатан нав ворид мешаванд»,-таъкид кард Муртазо Судонӣ дар поёни суҳбат.
ЭМОМАЛӢ РАҲМОН — ВОРИСИ АРЗАНДАИ МИЛЛАТИ ТОҶИК. Маротибаи аввал дар таърихи давлатдории Чин мукофоти олии давлатӣ берун аз кишвар тақдим карда шуд
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
