МУЖДА АЗ ДӮСТ. Театри давлатии мусиқии Ӯзбекистон ба Тоҷикистон меояд
ДУШАНБЕ, 23.06.2018. /АМИТ «Ховар»/. Тавре қаблан иттилоъ дода будем, аз 29 июн то 2 июли соли равон Театри ӯзбек бо сафари ҳунарӣ ба Тоҷикистон меояд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, Театри давлатии мусиқии Ӯзбекистон ба номи Муқимӣ бо намоишномаи «Арӯси бесалиқа» ба Тоҷикистон сафари ҳунарӣ анҷом медиҳад.
Намоишномаи «Арӯси бесалиқа» 29 июн дар шаҳри Хуҷанд дар саҳнаи Театри давлатии мусиқӣ-мазҳакавии ба номи К.Хуҷандӣ, 30 июн дар шаҳри Душанбе дар саҳнаи Театри давлатии академии драмавии ба номи А.Лоҳутӣ ва 1 июл дар шаҳри Бохтар дар саҳнаи Театри мусиқӣ-мазҳакавии вилоятии ба номи А.Муҳаммадҷонов манзури ҳаводорони санъати театрӣ мешавад.
Гуфта мешавад, ки сафари ҳунарии ҳунарпешаҳои ӯзбек дар доираи созишномаи ҳукуматҳои ду кишвар бо мақсади густариши муносибатҳои фарҳангӣ, таҳкими равобити дӯстӣ, баланд бардоштани завқи бадеӣ ва шинос гардонидани тамошобини тоҷик бо санъати театрии ӯзбек сурат мегирад.
Мавриди зикр аст, ки Театри давлатии мусиқии Ӯзбекистон ба номи Муқимӣ 30 ноябри соли 1939 таъсис ёфтааст. Ҳанӯз аз солҳои аввали таъсис дар он як гурӯҳ ҳунармандони касбӣ фаъолият доштанд.
Театри мазкур дар заминаи Театри операи ӯзбек соли 1929 ба миён омадааст, ки ҳам санъати опера ва ҳам мусиқии драмавиро дар бар мегирифт.
Бояд гуфт, ки дар солҳои Ҷанги дуюми ҷаҳон ҳунармандони театри мазкур дар Ӯзбекистон яке аз аввалинҳо шуда, аз қаҳрамонию шуҷоатмандии ҷанговарон ва афсарони Армияи советӣ барои тамошобинон намоишҳо пешниҳод намуданд.
Баъдан ба барномаи Театр мусиқӣ ва сурудҳои муосир ҳамроҳ гардид.
Ҳунармандони театри мазкур Тухтасин Ҷалилов, Лутфихон Ая Саримсакова, Раззоқ Ҳамроев, Соиб Хуҷаев, Ҳамза Умаров, Суръат Пулодов ва дигар ҳунармандони халқӣ бо маҳорати баланд аз рӯйдод ва ҳаёту зиндагии мардум намоишҳои зиёд ба саҳна мегузоштанд, ки дар дили бинанда ба зудӣ ҷой мегирифтанд.
Имрӯз низ ҳунармандони театр дар дилу дидаи мардуми ӯзбек ҷой доранд ва миёни мардум мавқеи хосса доранд.
Умед мебандем, ки сафари Театри давлатии мусиқии Ӯзбекистон ба Тоҷикистон нек ва пур аз хотираҳои ҷолиб хоҳад буд.
Зарангези ЛАТИФ,
АМИТ «Ховар»
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
