Нил Маккейн: «Имсол дар соҳаҳои низоми бонкӣ ва молиявии Тоҷикистон 7 лоиҳа татбиқ мегардад»
ДУШАНБЕ, 13.06.2018 /АМИТ «Ховар»/. Имрӯз дар Бонки миллии Тоҷикистон мулоқоти муовини якуми раиси Бонки миллии Тоҷикистон Ҷамолиддин Нуралиев бо Директори минтақавии Бонки аврупоии таҷдид ва рушд (БАТР) дар Осиёи Марказӣ Нил Маккейн ва Намояндаи доимии БАТР дар Ҷумҳурии Тоҷикистон Айтен Рустамова баргузор гардид.
Тавре аз Бонки миллӣ ба мухбири АМИТ «Ховар» хабар доданд, зимни мулоқот ҷонибҳо оид ба вазъ ва дурнамои ҳамкории Ҷумҳурии Тоҷикистон бо Бонки аврупоии таҷдид ва рушд муколама намуда, вобаста ба масъалаҳои лоиҳаҳои ҷорӣ ва имконпазир дар низоми бонкии кишвар ва самтҳои дигар, идоракунии корпоративӣ, татбиқи лоиҳаҳои нав оид ба дастгирии соҳибкории хурду миёна, аз ҷумла, тақсимоти лоиҳаҳои БАТР дар маҳалҳо табодули андеша намуданд.
Муовини якуми раиси Бонки миллии Тоҷикистон Ҷамолиддин Нуралиев, ки ҳамзамон Мудири Ҷумҳурии Тоҷикистон дар Бонки аврупоии таҷдид ва рушд мебошад, таваҷҷуҳи намояндагони БАТР-ро ба ҳамкорӣ дар бахши низоми бонкии кишвар, бахусус дар самти таҳким бахшидани назорати ташкилотҳои қарзӣ, баланд бардоштани масъулияти Шӯрои нозирон, бартариятҳои низоми ягонаи пардохт ва баҳодиҳии сифати дороиҳои низоми бонкии мамлакат даъват намуд.
Директори минтақавии БАТР дар Осиёи Марказӣ Нил Маккейн баён дошт, ки «имсол дар соҳаҳои низоми бонкӣ ва молиявии Тоҷикистон 7 лоиҳа татбиқ мегардад ва дар ояндаи наздик барои ҳамкорӣ бо Бонки миллии Тоҷикистон самтҳои афзалиятнок аз ҷониби БАТР муайян карда шудаанд. Аз ҷумла, инҳо ба самти дурнамои нишондиҳандаҳои макроиқтисодӣ ва сиёсати коммуникатсионӣ, ки ба ҳадафгирии таваррум бевосита рабт дорад ва таъмини гарав ба молу мулки манқул дар асоси тағйиру иловаҳо ба қонунгузорӣ дахл доранд».
Мавсуф инчунин дар мавриди сари вақт амалӣ намудани пардохтҳо аз рӯи лоиҳаҳои мавҷуда сухан карда, баҳри тавсеаи ҳамкорӣ дар самтҳои нав изҳори омодагӣ кард.
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
